Mawsi nata Arawna Phirao hmiakô liata
1 Cha hnôh lâna chata Mawsi nata Arawna cha vawh ei ta, Phirao hnohta, “ABEIPA Izarel sahlaozy Khazohpa ta hetana heta a tah, ‘Ei chyhsazy râhpathohpa liata ei hnohta kyhchhina hnei awpa ta vaw pasiesa teh,’ tahpa ta,” tah ei ta.
2 Phirao chta, “Ahyma a châ, ABEIPA a bie zyhpa ta, Izarel sahlaozy ei pasiesa awpa cha? ABEIPA cha pahno va na, Izarel sahlaozy chhao pasiesa hra aw va na,” tah t.
3 Chatawhcha âmo chata, “Hebraizy Khazohpa ta maniah za tly haw ta, râhpathohpa noh thôh siena liata ABEIPA eima Khazohpa lâta eima thei thei nawpa ta ngiachhiepa ta eima sie aw na. Chataleipa ta la eima chô liana heta hri tlyma, zaozi tlyma, a vaw chareisa pathlei aw,” tah ei ta.
4 Izi beipa chata ama hnohta “Kheihtazie ta e nâmo Mawsi nata Arawna he zawpizy raihria nota nama padiathlâsa tly? Nama rai cha va hria molo teh u,” tah ta.
5 Chatawhcha Phirao chata he râh liata chyhsazy he vaw hluh kaw haw ei ta, nâmo ta ama phaohripa phaohpa cha pahâsa eichi ta!” tah ta.
6 Cha no tlai chata Phirao ta raihria vaihtuhpazy nata ama hyutuhpazy hnohna chata,
7 “Atahmâ tawhta la, cha hlâ hawhna khata chyhsazy he alei raopa tao awpa ta sâhkô nama pie awpa châ khao vei; âmo tlai ta sâhkô cha paly ei se.
8 Châhrasala alei raopa cha hlâta ama taopa zie hra kha âmo tawhna chata namâ hnaw awpa châ ta, nama pachyh via awpa châ vei; thathipa ama châ hi; chavâta na ‘Eima Khazohpa lâ eimâ theih aw,’ ama tah.
9 Chyhsazy he raihria ru pachaipa pie teh u, chazy cha hria ei sala, haipa bie thlâthlipazy he pasâhsa kha ei se,” tahpa ta bie pie ta.
10 Chatawhcha raihri vaihtuhpazy nata ama hyutuhpazy cha pua ei ta, chyhsazy hnohna chata, “Phirao ta, ‘Sâhkô la chapie khao aw veih ei na,’ a tah.
11 Nâmo ta sâhkô cha nama hmô theipa hawhta paly teh u; nama raihria he cha pachyhpa via hlei aw veih ei,” tah ei ta.
12 Chatanachata chyhsazy cha Izi râh chhôh zydua liana chata, sâhkô vyuhpa ta sâhkô thabypa pakhy awpa ta a khie hôlô ei ta.
13 Raihria vaihtuhpazy chata, “Cha hlâta sâhkô y no hawhna hra khata nama raihria, nohchareih nama raihriapazy he paloh parah teh u,” tahpa ta pasaipa-i ei ta.
14 Phirao raihria vaihtuhpazy ta, Izarel pathlazy hry liata hyutuhpa châta ama raopazy cha tu ei ta, “Khazia e, zâhia zy nata atanoh liata zy chhao, cha hlâ hawh hra ta, alei raopa taopa he nama paloh vei?” tah ei ta.
15 Chatanachata Izarel pathlazy hyutuhpazy cha Phirao lâta vawh ei ta, “Na chakaotuhpazy he, khazia e he tlatlu ta maniah na tao tly?
16 Na chakaotuhpazy he sâhkô rai maniah pie khao leipa ta, âmo châta, ‘Alei raopa tao teh u!’ maniah tah tlôh ei ta. Chatawhcha na chakaotuhpazy he maniah tu ei ta; châhrasala nama chyhsazy tlai thai leipa a châ,” tahpa ta ama nôpona bie reih ei ta.
17 Châhrasala ano chata, “Thathipa nama châ, thathipa nama châ; chavâta ‘ABEIPA lâta eima kei thei aw,’ nama tah.
18 Vawh ula, kei hria teh u; sâhkô la piepa châ khao aw veih ei chi, châhrasala alei raopa taihna zie kha cha nama tao awpa raina a châ,” tah ta.
19 “Nama nohchareih raihria nama alei raopa taopa he pachyh via hlei aw vei ei chi,” ama tahpata nahta, Izarel pathlazy hyutuhpazy chata ama topa a chhie ngaita tahpa a vaw pahno haw ei ta.
20 Phirao tawhta ama vaw pua nahta Mawsi nata Arawna âmo vaw hâ thlâhpa cha a tyh ei ta;
21 ama hnohta, “ABEIPA ta cha moh ei sala, cha pachia ei se, keimo maniah thie nawpa ta ama ku liata zaozi chabasapa ta Phirao mohmô liata nata a chakaotuhpazy sahlao liana heta, a haopa maniah ama paphaosa hawhpa vâna heta,” tah ei ta.
Mawsi thlahchhâna
22 Chatanachata Mawsi chata ABEIPA lâta a heih ta, “ABEIPA y, kheihtazie ta e he chyhsazy he a pha lei ngaitapa ta na tao tly? Khâpa vâta e eina tuah chi?
23 Phirao hnohta na moh ta bie rei awpa ta ei vy rakha tawhta, he chyhsazy he a pha lei ngaitapa ta tao ta, nâ hra chata na chyhsazy he pachha tlôh chi va,” tah ta.
| 1 | 2 | 3 | 4 | 5 | 6 | 7 |
|---|---|---|---|---|---|---|
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | 32 | 33 | 34 | 35 |
| 36 | 37 | 38 | 39 | 40 |