Rohpahâhpa maisâh (Pu 37:25-28)
1 “Rohpahâhpa raona awpa maisâh na tao awpa a châ; akeisha tho ta na tao awpa a châ.
2 A doh lâ dy kha, a hâ lâ dy kha a châ awpa a châ; ki palih a hneipa ta tao awpa a châ, chatawhcha a sâhna lâ cha dy no châ sala; a kizy cha maisâh nata a pazao khai awpa a châ.
3 Chatawhcha a chôzy, a kâzy nata a kizy châ ngôh suapa na pahu awpa a châ; a kiah liana chata ngôh ta na padô awpa a châ.
4 Chatawhcha a kiah ry lâta a kâ râ no liata ngôh tiaki miano na tao awpa a châ, a kâ râ no liata na tao awpa a châ, chazy cha a lâ hrei nawpa ta a châ aw.
5 Akeisha tho ta a lâzy taopa ta ngôh ta na pahu awpa a châ.
6 Cha cha bie Pahnosana By chô liata zawngiahna dyuchhai hmiakô liata ei cha tyna awpa bie Pahnosana By kiapâh liata pohraipa kiapâh ta na soh awpa a châ.
7 Chatawhcha Arawna ta cha liana chata khâpaleipa rohpahâhpa rao awpa rohpahâhpa a rao awpa a châ; my chareih meiôhzy a tao ti maihta a rao tyh awpa a châ;
8 Arawna ta zâ lâta meiôhzy a pakhaih tita rohpahâhpa cha a rao tyh awpa a châ, cha cha nama pathlazy taihta ABEIPA hmiakô liata rohpahâhpa a châ lymâ aw.
9 Cha liana chata rohpahâhpa hropa tlyma, raopa ta hmohlâpa tlyma, niepa hlâpa tlyma, nama hlâ awpa châ leipa ta; cha liana chata dopa hlâna chhao nama leitha awpa châ vei.
10 Arawna ta kô khata ei kha kizy chô liana chata a ryhna a tao awpa a châ; aryhna awpa ta molei atheihna thisaih hmâpa ta kô chareih ei kha nama pathlazy taihta aryhna cha a tao tyh awpa a châ; cha cha ABEIPA châta pathaih ngaitapa a châ,” tahpa ta.
Aryhna sôh
11 Abeipa ta Mawsi hnohta,
12 “Izarel pathlazy a ypa zie na rei tita, a ypa zie na reipa lymâ hawhta chyhsa tota ama hrona chatlaina cha ABEIPA ama pie lymâ awpa a châ, âmo na rei tita ama hry liata hri vaw tlô lei nawpa ta.
13 He he ama pie awpa a châ, rei hawpazy hry liata a hlao awpa ta a siepa maihzy chata, su pathaihpa liata sekel ama pie tyhpa hawhpa sekel khophie ama pie awpa a châ, (sekel cha gerah* syno a châ) ABEIPA eihpa ta hmohlâpa chata sekel khophie.
14 Rei hawpazy hry liata a hlao awpa ta a siepa maih kô syno tawhta a chô lâ zydua chata ABEIPA eipa ta hmohlâpa cha ama pie awpa a châ.
15 Nama hrona châta aryhna awpa ta ABEIPA eipa ta hmo ama hlâ khiahtala sekel khophie hlâta a hluhpa cha chyhsa hneirôhpa ta a pie awpa châ leipa ta, sipasapa chhaota cha hlâta a chyh viapa cha pie awpa châ vei.
16 Izarel pathlazy aryhna tâkâ cha lapa ta ahmaohpakhyna poh-o liata chakao nawpa ta na rao awpa a châ; nama hrona aryhna tao nawpa ta ABEIPA hmiakô liata Izarel pathlazy chata a thei thlâh ha na a vaw châ thei nawpa ta,” tahpa ta reih ta.
Rahô cha
17 ABEIPA ta Mawsi hnohta,
18 “A siena awpa ta dawh rahô a patyuna dawh chhaota na to hra awpa a châ. Cha cha ahmaohpakhyna poh-o nata maisâh likawh liata na patyu awpa a châ, cha liana chata ti na so awpa a châ.
19 Arawna nata a sawchapawpazy ta cha liana chata ama ku nata pheizy amâ si tyh awpa a châ.
20 Ahmaohpakhyna poh-o chhôh liata amâ ngia tita tlyma, ABEIPA châta mei liata hmohlâpa rao awpa ta maisâh thaby liata chakao awpa ta amâ vy tita tlyma, ti chata amâ si awpa a châ, chata leipa ta la ama thi aw.
21 Ama thi lei nawpa ta ama ku nata ama pheizy cha amâ si tyh awpa a châ: cha cha ama châta chhâzaw ta bieraopa a châ aw, ano nata a pathlazy nata ama pathlazy taih châta chhao,” tahpa ta reih ta.
A thupa sathaw nata rohpahâhpa
22 ABEIPA ta Mawsi hnohta,
23 “Ropahâhpa pahâh chaipa chi hry liatahpa, myr ti sekel za pangawh nata lôiasopa rohpahâhpa cha khophie, sekel za no nata sypangawh nata basuh rohpahâhpa sekel za no nata sypangawh nata,
24 lôiasopa chi hropa sekel za pangawh, su pathaihpa liata sekel ama pie tyhpa hawhta Ôli thaw hin kha chhaota vaw cheihpa ta
25 rohpahâhpa a taotuhpa a taopa hawhta sathaw a thupa cha sathaw pathaihpa châta na tao awpa a châ; cha cha sathaw a thupa chi sathaw pathaihpa a châ aw.
26 Chatawhcha ahmaohpakhyna poh-o zy, bie Pahnosana Byh zy,
27 tlâkhai nata a hmobaoh zydua, meiôh sona nata a hmobaoh zy, rohpahâhpa raona maisâh zy,
28 raopa hmohlâna maisâh nata a hmobaoh zydua, rahô nata a patyunazy chhaota, cha chata na hnia khai awpa a châ;
29 a pathaih ngaitapa ama châ thei nawpa ta na pathaisa awpa a châ; chazy a hriapa maih cha ama pathaih lymâ aw.
30 Chatawhcha kei châta theihthaipa raihria hriapa ta eina chakao thei nawpa ta Arawna nata a sawchapawpazy cha sathaw thupa ta na pathaisa awpa a châ.
31 Chatawhcha Izarel pathlazy hnohta, ‘He sathaw he nama pathlazy taihta ei sathaw pathaihpa a thupa cha a châ aw.
32 Chyhsa pôhpa liana chata lei thlu awpa châ leipa ta, he taozie hawhta taopa a lyu ngaitapa heta nama tao awpa châ hra vei; he he la pathaih ta, nama châta hmo pathaihpa a châ awpa a châ.
33 Ahyrai ta vaw hmâh sala tlyma, cha chyhsa cha a chiheihzy hry tawhta pahleipadiapa a châ aw,’ tahpa ta reih mah y,” tahpa ta, reih heih ta.
34 ABEIPA ta Mawsi hnohta, “Rohpahâhpa pahâh ngaitapa, Stakte zy, onycha zy, kabanu zy, lahma zy, rohpahâhpa pahâh ngaitapa, deity pasoh ngaitapa chhaota, (khopathliana a khopa sai ta),
35 cha cha rohpahâhpa a taotuhpa taopa hawhta alôh miapa a pasohpa nata a pathaih ngaitapa ta rohpahâhpa na tao awpa a châ;
36 thokhazy cha a dipa ta charoh awpa châ ta, ei cha vaw tyhna awpa ahmaohpakhyna poh-o chhôh liata bie pahnosana kiapâh liata na soh awpa a châ; cha cha nama châta hmo pathaih ngaitapa a châ aw.
37 Cha rohpahâhpa na tao awpa, taonazie awpa hawhta taopa cha vei; ABEIPA châta hmo pathaihpa nama pachâ awpa a châ.
38 Ahyrai ta rohpahâhpa châta deitata cha hawhta a tao khiahtala cha chyhsa cha a chiheihzy hry tawhta pahleipadiapa a châ aw,” tah ta.
| 1 | 2 | 3 | 4 | 5 | 6 | 7 |
|---|---|---|---|---|---|---|
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | 32 | 33 | 34 | 35 |
| 36 | 37 | 38 | 39 | 40 |