Vâlyuhchâpa nata hriena hnôh chaipazy
1 Chatawhcha avâ liata ngiana hropa, rônah ngaitapa nata noâhchhih ngaitapa, hmô na ta, vâlyuhchâpa pasari hriena sâsari a hneipazy; cha cha hriena hnôh chaipa ama châ. Cha lianazy chata Khazohpa hiehâhna cha chhâ haw tlôh ta.
2 Chatawhcha thlalâ mei nata a pahlaopa tilaipi hawh tlaita hmô na ta; sahrâhpa zy, a nohthlahpa zy, a moh nuby zy pahniepata a vaw puapazy cha Khazohpa totâzy chabapata thlalâ tilaipi kiah liata a duahpa hmô hra na ta.
3 Khazohpa chakaotuhpa Mawsi hla nata Mietahkupa Taw hla: “Hy Abeipa Khazohpa Atotaotheipa, na lâpizy cha a siapa nata dopa a châ! Nâ, pho to Beichaipa na lâpizy cha a siapa nata dopa a châ.
4 Hy Abeipa, ahy e na moh za leipa aw ta, a palyupalih aw vei? Nâma deita pathaih tlôh chi. Pho to zydua ta a châ vaw chhy ei, na pachianazy cha palâsapata a ypa vâta.” tahpa he sa ei ta.
5 Cha khai tawhna chata kaw moh na ta, avâ liata pahnosana achhyna-o cha pahypata y ta.
6 Supathaihpa tawhna chata hriena sâsari a cheipa vâlyuhchâpa pasarizy cha poh-naipa pathaihpa nata a ngyuh ngaitapa a bupata, ama chachôhna liata zy ngôh chaisaina ta a saipata vaw pua ei ta.
7 Chatawhcha hmohrohneipa miapali hry liata miakha chata vâlyuhchâpa pasarizy hnohta, Khazohpa chhâzaw ta a hroh thlâh hapa hiehâhna ta abiepa ngôh biebu sâsari pie ta.
8 Achhyna-o cha Khazohpa rônahna nata hmotaotheina khuh ta bie ha ta; vâlyuhchâpa pasarizy hriena sâsari a chhâ hlâ lei cha achhyna-o liana chata ahyhma ta a ngia thei veih ei.
| Bo 1 | Bo 2 | Bo 3 | Bo 4 | Bo 5 | Bo 6 | Bo 7 |
|---|---|---|---|---|---|---|
| Bo 8 | Bo 9 | Bo 10 | Bo 11 | Bo 12 | Bo 13 | Bo 14 |
| Bo 15 | Bo 16 | Bo 17 | Bo 18 | Bo 19 | Bo 20 | Bo 21 |
| Bo 22 | ||||||