Zudah pathlazy
1 Zudah sawchapawpazy cha: Pereza zy, Hezrôna zy, Kami zy, Hura zy, Shôba zy ama châ.
2 Shôba sawchapawpa Reai ta Zaha sa ta; Zaha ta Ahumai nata Laha sa ta. Chazy cha Zôra mo phozy ama châ.
3 Etama paw sawchapawpazy cha: Zezrel zy, Isma zy, Iba zy ama châ; ama sietanô moh cha Hazelepôni a châ,
4 Kedaw paw Penuel nata Husha paw Eza ama châ. Chazy cha Bethlehe paw Ephra saw tuapa Hura pathlazy ama châ.
5 Tekôa paw Ashura ta lahpinô pano Helah nata Narah hnei ta;
6 Narah chata Ahuzama zy, Hephazy, Temeni zy, Hashatari zy sapa ta. Chazy cha Narah sawchapawpazy ama châ.
7 Helah sawchapawpazy cha: Zeretha zy, Izha zy, Ethana zy ama châ.
8 Kôza ta Anuba zy, Zôbebah zy, Haru sawchapawpa Ahahel mo pathlazy sa ta.
9 Zabeza cha a unawhpa zy hlâta chyhsa zachhihpa a châ, a no chata, “Pachârôhna chôta ei sapa châ ta.” Tahpa ta a moh Zebeza a bi.
10 “Zebeza chata “Byhnâ na aw pa tlai la, ei râhri he na pakawhpa la, na ku chata na ypâ pata pachârôhna ei chô liata a tlô lei nawpa ta moleina tawhtapa na panano mah y!” tahpa ta Izarelzy Khazohpa cha pado ta. Chatanachata Khazohpa ta a hiapa cha hlao patlohsa ta.
11 Shuha unawhpa Kelubi ta Mehi sa ta, cha cha Estawna paw a châ.
12 Estawna chata Berapha zy, Pasiah zy, Inaha paw Tehinah zy sa ta. Chazy cha Rekah mozy ama châ.
13 Kenaza sawchapawpazy cha: Ôthaniel nata Seraiah châ ei ta; Ôthaniel sawchapawpazy cha: Hatha nata Meônônôthai ama châ.
14 Meônôthai ta Ôphrah sa ta; chatanacha Seraiah ta Kehara mo pathlatuhpa Zôaba sa ta, cha chyhsa zy cha zôthaipa ama châ.
15 Zephuneh sawchapawpa Kaleba sawchapawpazy cha: Iru zy, Elah zy, Naama zy châ ei ta; Elah sawchapawpa cha Kenaza a châ.
16 Zehalel sawchapawpazy cha: Ziphah zy, Tiria zy, Azrel zy ama châ.
17 Ezra sawchapawpazy cha: Zetha zy, Mereda zy, Ephere zy, Zalawna zy ama châ. Phirao sawchanônô Mereda lahpinô Bitheiah sawchapawpazy cha: Miria zy, Shamai zy, Estemô paw Isbah zy ama châ.
18 A lahpinô Zu chanô ta Kedaw paw Zereda zy, Sôkô paw Hebe zy, Zanôa paw Zekuthiel zy sa ta.
19 Nahama sietanô Hôdiah lahpinô sawchapawpazy cha; Kami mo pathlatuhpa Keilah paw pata Maaka mo pathlatuhpa Estemô ama châ.
20 Shimô sawchapawpazy cha: Amnaw zy, Rinah zy, Behana zy, Tilaw zy ama châ. Ishi sawchapawpazy cha: Zôhetha nata Benzôhe ama châ.
21 Zudah sawchapawpa Selah sawchapawpazy cha: Lekah paw Era zy, Maresha paw Ladah zy, Bethabia mo lini poh rihdipa a taotuhpa sahlaozy châ ei ta;
22 Zôkima zy, Kôzeba mozy, Zôasha zy, Sarapha Môaba râh liata ryureipa ta y ta, cha hnôh lâta Zasubilahe liata a y hawpazy kha ama châ. Chazy kyh ropa cha hlâno tahpa a châ.
23 Cha sahlao cha beihvituhpa Netai nata Kederah khih liata a ypa châ ei ta; abeipa hnohta a rai hriapa ta ama y.
Simeôna pathlazy
24 Simeôna sawchapawpazy cha: Nemuel zy, Zamina zy, Zarah zy, Zera zy, Shaul zy ama châ.
25 Shaul sawchapawpa cha Shaluma châ ta, cha sawchapawpa cha Mibsa châ ta, cha sawchapawpa Misama a châ.
26 Misama sawchapawpa cha: Hamuel châ ta, cha sawchapawpa Zaku châ ta, cha sawchapawpa cha Shimei a châ.
27 Shimei cha sawchapawpa pahrawhleicharu nata sawchanônô pacharu hnei ta; a unawhpazy deikua chata saw hluhpi hnei leipa ei ta, Zudah pathlazy hawhta ama pathlazy chhao pôh veih ei.
28 Besheba liata zy, Môladah liata zy. Hazasual liata zy pahrâ ei ta,
29 Bilha liata zy, Ezema liata zy, Tôlada liata zy.
30 Bethuel liata zy, Hôrmah liata zy, Zikla liata zy,
31 Bemakabô liata zy, Hazasusi liata zy, Bethabirei liata zy, Sharai liata zy chhao. Chazy cha Davi a beina taihta ama khihpizy cha a châ.
32 Chatawhcha ama khih cha khih pangawh Etama zy, Aina zy, Rimô zy, Tôkhe zy, Asana zy a châ,
33 cha chheipâh liata khih chyhpa zydua Baal taihta a châ. Chazy cha ama pahrâna châ ta, ama pathlatuhpazy kyh rona amâ vao hra.
34 Meshôba zy, Zamale, zy, Amaziah sawchapawpa Zôsha zy,
35 Zôel zy, Zôsibi sawchapawpa Zehu zy, cha chyhsa zy paw cha Asiel sawchapawpa Seraiah châ ta,
36 Eliônai zy, Zakôba zy, Zesôhai zy, Asaiah zy, Adiel zy, Zesimiel zy, Banai zy,
37 Siphi sawchapawpa Ziza zy, cha chyhsa zy paw cha Alaw châ ta, cha cha Zedaiah sawchapawpa châ ta, cha cha Shimri sawchapawpa châ ta, cha cha Shemaiah sawchapawpa châ ta,
38 chazy ama moh ama reipa zy cha ama chhôhkha pawhrâhpazy châ ei ta, ama chhôhkha cha thata pôh ei ta.
39 Kedaw a ngiana liata saikao nochhi lâchhâh taihta ama sahro zawzy pabâsa nawpa tluapa ta sie ei ta,
40 sahroh pabâsana sibiepa pahâh ngaitapa nata pha ngaitapa hmô ei ta, a râh cha kawh ta, dâh ta, thlahlôh chhih ngaitapa a châ; cha hlâta a vaw pahrâpazy cha Hama pathlazy châ ei ta.
41 Cha ama moh amâ ropa zy cha Zudah râh beipa Hezekiah a bei nona khata a ngia ei ta, ama poh-o zy nata cha nota Meuni mo a vaw ypazy cha pahleipadia khai ei ta, atahmâ taihta ama su cha pahrâ ei ta, ama sahroh zaw châta pabâsana a ypa vâta.
42 Chatawhcha thokha Simeôna sawchapawpa sahlao, chyhsa za pangawh Seira Tlâh lâta sie ei ta, ama hyutuhpa chata Isbi sawchapawpa Pelatiah zy, Niariah zy, Riphai zy, Uziel zy hmâh ei ta,
43 Amale mo pho a râpa a laibâhpa zy kha pahnie ei ta, atahmâ taihta cha liana chata ama pahrâ haw.
| Bo 1 | Bo 2 | Bo 3 | Bo 4 | Bo 5 | Bo 6 | Bo 7 |
|---|---|---|---|---|---|---|
| Bo 8 | Bo 9 | Bo 10 | Bo 11 | Bo 12 | Bo 13 | Bo 14 |
| Bo 15 | Bo 16 | Bo 17 | Bo 18 | Bo 19 | Bo 20 | Bo 21 |
| Bo 22 | Bo 23 | Bo 24 | Bo 25 | Bo 26 | Bo 27 | Bo 28 |
| Bo 29 |