Râhri Ephrai nata Manase hnohta piepa
1 Zawsi pathlazy tovyuh cha Zerikô dady Zawdâh tawhta râhpathohpa kiapâh nochhi lâchhâh ta Zerikô tizy liana chata pua ta, Zerikô tawhna chata tlâh râh lâta Bethel taihta khy lymâ ta;
2 Bethel tawhta Luza lâta pua ta, Arakhi mo râhri liata Atarô taihta sie lymâ ta,
3 notla lâchhâh ta Zaphale mo râhri Behôrô mathi lâ tahpa râhri Keza taihta chô lymâ ta, cha cha tilaipi liata pua ta.
4 Zawsi pathla Manase nata Ephrai chizy chata tovyuh ta hnei ei ta.
5 Ama chhôhkha yzie lymâ hawhta Ephrai pathlazy râhri cha he hawhna heta a châ: nochhi lâchhâh ta ama tovyuh râhri cha Atarôthada châ ta. Behôrô machhua lâ tahpa taihta,
6 chatawhcha râhri cha Mikametha maw lâ notla lâchhâh ta pua ta; chatawhcha râhri cha nochhi lâchhâh ta Tanashilôh taihta pua heih ta, Zanô nochhi lâta sie lymâ ta,
7 chatawhcha Zanô tawhna chata Atarô zy, Narah zy lâta chô lymâ ta Zerikô tlô ta, Zawdâh liata pua ta.
8 Tapua tawhta râhri cha notla lâchhâh ta Kana chavah zy taihta sie ta, cha cha tilaipi liata pua ta. Chazy cha Ephrai pathlazy pho ama chhôhkha yzie lymâ hawhta ama tovyuh a châ,
9 Manase pathlazy tovyuh hry liata Ephrai pathlazy chata khihpi a nano ta raopa zy chhaota, a khihpi zydua nata a khichapeizy chhao.
10 Chatanachata Keza liata a ypa Kana mozy cha papua leipa ei ta; Kana mozy cha Ephrai mozy hry liata he noh taihna heta y ei ta, raihria châta chakaotuhpa ta tlao ama y haw.
| Bo 1 | Bo 2 | Bo 3 | Bo 4 | Bo 5 | Bo 6 | Bo 7 |
|---|---|---|---|---|---|---|
| Bo 8 | Bo 9 | Bo 10 | Bo 11 | Bo 12 | Bo 13 | Bo 14 |
| Bo 15 | Bo 16 | Bo 17 | Bo 18 | Bo 19 | Bo 20 | Bo 21 |
| Bo 22 | Bo 23 | Bo 24 |