Râhri Zudah hnohta piepa
1 Zudah pathlazy pho ama chhôhkha lymâ hawhta ama tovyu châta raopa cha Edôma râhri rakha chho lâchhâh Zin râhpathohpa taihta chho chhâna taihta a châ.
2 Chatawhcha chho lâchhâh ta ama râhri rakha cha Tilaipi Iahpa chhâna taih, chho heih lâ lihchakohpa tawhta a châ.
3 Akrabi khyna chho lâ pangaipa ta sie lymâ ta, Zin tlô ta, chatawhcha Kadesabania chho lâta khy ta, Hezraw kei tlô ta, Adara liata khy ta, Izi chavah liata pua ta, chatanachata tilaipi cha râhri chhâna a châ. Cha cha chho lâchhâh ta nama râhri awpa a châ aw.
5 Chatawhcha nochhi lâchhâh râhri cha Tilaipi Iahpa, Zawdâh tichhi cha a châ. Chatawhcha maw lâchhâh râhri cha tilaipi lichakohpa Zawdâh tichhi tawhta châ ta;
6 râhri cha Behôlah lâta khy ta, Betharabah maw lâta sie lymâ ta; râhri cha Rubena sawchapawpa Bôha alô lâta khy lymâ ta;
7 râhri cha Akhôra Saikao tawhta Debi lâta khy lymâ ta, chatawhcha chavah chho lâta a ypa Adumi lâ khyna a daih lâ Kilkal lâ pangaipa ta maw lâta sie lymâ ta; chatawhcha râhri cha Enaseme tizy lâna chata sie lymâ ta, chatanachata râhri cha Enrôkel lâta a chô.
8 Chatawhcha râhri cha Hinô sawchapawpa saikao lâta Zebu mo râh kiah chho lâ, (cha cha Zerusale a châ) taihta khy ta; râhri cha Hinô notla lâchhâh saikao kiapâh ta a ypa tlâh laki lâta khy ta, cha cha Rephai maw lâchhâ saikao chhâna a châ;
9 chatawhcha râhri cha tlâh laki tawhta Nephatô chavah taihta pasiesa ei ta, Ephraw tlâh liata khihpi zy lâta sie lymâ ta; chatawhcha râhri cha Baalah lâta (cha cha Kiriazeri a châ) pasiesa ei ta;
10 râhri cha Baalah tawhta notla lâchhâh ta Seira Tlâh taihta chakhao ta, maw lâchhâh ta Ziari (cha cha Kesalaw a châ), Tlâh a hnaopa ta sie lymâ ta Besheme lâta chô ta, Timena lâta sie lymâ ta;
11 râhri cha maw lâchhâh Ekraw lâta pua ta, râhri cha Sikarô lâta pasiesa ei ta, chatawhcha Baalah tlâh lâta sie lymâ ta, Zabinel lâta chô ta; chatanachata râhri cha tilaipi liata a chhâ.
12 Chatawhcha notla lâchhâh râhri cha Tilaipi Rôhnahpa nata a ngiakâh zydua cha a châ. Cha râhri rakha cha Zudah pathlazy chata ama chhôhkha yzie lymâ hawhta raopa a châ.
Kaleba ta Hebraw nata Debi a pahnie(Rt 1:10-15;
13 Zephune sawchapawpa Kaleba cha ABEIPA ta Zawsua bie a piepa hawhta, Zudah pathlazy hry liana chata tovyuh tao pa hra ta, cha cha Kiriathaba châ ta, (Araba cha Anaki paw a châ) cha cha Hebraw ama tah hra.
14 Chatawhcha Kaleba chata cha khih tawhtapa cha Anaki sawchapawpa zy pathôh, Sheshai zy, Ahima zy, Talmai zy cha papua ta.
15 Cha tawhna chata Debi khih liata chyhsa zy hrao ta; cha hlâta cha Debi mo cha Kiriasepha a châ.
16 Chatawhcha Kaleba ta, “Ahyrai Kiriasepha adyuhpa ta a la theipa cha ei sawchanônô Aksa lahpinô ta ei pahneisa aw,” tah ta.
17 Chatawhcha Kaleba unawhpa Kenaza sawchapawpa Ôthaniel ta la ta; a sawchanônô Aksa cha lahpinô ta pahneisa haw ta.
18 Chatawhcha ano lâta a kei tlô nahta, a paw râh hiah awpa ta reipasao ta, a alâ tawhtapa cha chô ta, Kaleba ta a hnohta, “Khâpa e na khoh?” tah ta.
19 Ano chata, “Byhnâ na aw pa teh, Neke râh liana chata na paysa haw tlôh chi ta, tihnawh a hneipa zy na pie hra mah y,” tah ta. Chatanachata tihnawh a hneipa zy machhuah lâ tahpa nata tihnawh a hneipa zy mathi lâ tahpa cha pie haw ta.
Zudah khihpi zy
20 Hezy he Zudah pathlazy pho ama chhôhkha yzie lymâ hawhta ama ryuto cha a châ.
21 Chho lâta Edôma râhri a daihpa Zudah pathlazy pho khihpi chhâna zy cha, Kabazel zy, Edera zy, Zaku zy,
22 Kinah zy, Dimônah zy, Adadah zy,
23 Kedesa zy, Hazô zy, Ithana zy,
24 Zipha zy, Telelema zy, Belô zy,
25 Hazôhadatah zy, Kiriahezraw (cha cha Hazaw a châ) zy,
26 Amama zy, Shema zy, Moladah zy,
27 Haza-Kadah zy, Hesmaw zy, Bepele zy.
28 Hazasaul zy, Besheba zy, Biziôthiah zy,
29 Baalah zy, Ima zy, Eza zy,
30 Eltôla zy, Khesi zy, Hômah zy,
31 Zikla zy, Mamanah zy, Sasanah zy,
32 Lebao zy, Shili zy, Aina zy, Rimaw zy a cha: khihpi zydua cha khih syno nata khih chaki nata a khih chheipâh zy chhaota.
33 Chatawhcha bypi râh lâna chata, Estôl zy, Zôrah zy, Asana zy,
34 Zanôa zy, Enkani zy, Tapua zy, Ena zy,
35 Zaramu zy, Adula zy, Sôkôh zy, Azekah zy,
36 Saara zy, Adithai zy, Kederah zy, Kederôthai zy, khihpi zy cha khih hrawhleipalih nata a khih chheipâh zy chhaota.
37 Zena zy, Hadasa zy, Midaka zy,
38 Dilia zy, Mizpeh zy, Zôthel zy,
39 Lakisa zy, Bôzaka zy, Eklaw zy,
40 Kabôna zy, Lahma zy, Kili zy,
41 Kederaw zy, Bedakô zy, Namah zy, Makedah zy: khihpi zy cha khih hrawhleicharu nata a khih chheipâh zy chhaota.
42 Libnah zy, Etha zy, Asana zy,
43 Iphatah zy, Asanah zy, Nezi zy,
44 Keilah zy, Akazi zy, Maresha zy: khihpi zy cha khih chaki nata a khih chheipâh zy chhaota.
45 Ekraw nata a chheipâh khihzy nata a khih chheipâh zy cha;
46 Ekraw tawhta tilaipi taihta, Asadô kiapâh ta a ypa zydua nata a khichapei zy chhaota.
47 Asadô nata a chheipâh khihzy nata a khichapei zy cha; Kaza nata a chheipâh khihzy nata a Khichapeizy cha; Izi chavah nata tilaipi kawhpa nata a ngiakâh taihta.
48 Chatawhcha tlâh râh lâna chata Shami zy, Zatia zy, Sôkôh zy,
49 Dana zy, Kiriasana (cha cha Debi a châ) zy,
50 Anaba zy, Estemô zy, Anima zy,
51 Kôse zy, Hôlôna zy, Kilô zy; khihpi zy cha khih hrawhleikha nata a khichapeizy chhaota.
52 Araba zy, Duma zy, Esa zy,
53 Zani zy, Betapua zy, Aphekah zy,
54 Humtah zy, Kiriathaba (cha cha Hebraw a châ) zy, Ziôra zy: khihpi zy cha khih chaki nata a khichapeizy chhaota.
55 Maôna zy, Kamel zy, Zipha zy, Zutah zy,
56 Zezrel zy, Zôdia zy, Zanô zy,
57 Kaina zy, Kibia zy, Timna zy: khihpi zy cha khih hrawh nata a khihchapeizy chhaota.
58 Halahu zy, Bezu sy, Kedaw zy,
59 Ma-ara zy, Bethanô zy, Eltekô zy: khihpi zy cha khih charu nata a khichapei cha.
60 Kiriabaal (cha cha Kiria-ziari a châ) zy, Rabah zy: khihpi zy cha khih no nata a khichapeizy chhaota.
61 Râhpathohpa lâna chata Betharabah zy, Midi zy, Sekakah zy,
62 Nibasa zy, Alô Khihpi zy, Engedi zy: khihpi zy cha khih charu nata a khih chheipâh zy chhaota.
63 Zerusale khih liatahpa Zebu mo deikua cha Zudah pathlazy ta papua thei leipa ei ta; chatanachata Zebu mozy cha Zudah pathlazy chhaota atanoh taih heta Zerusale liata hmaohkha ta ama pahrâ.
| Bo 1 | Bo 2 | Bo 3 | Bo 4 | Bo 5 | Bo 6 | Bo 7 |
|---|---|---|---|---|---|---|
| Bo 8 | Bo 9 | Bo 10 | Bo 11 | Bo 12 | Bo 13 | Bo 14 |
| Bo 15 | Bo 16 | Bo 17 | Bo 18 | Bo 19 | Bo 20 | Bo 21 |
| Bo 22 | Bo 23 | Bo 24 |