Abeizy Mawsi ta a pahniepa
1 Hezy he cha râh abeizy ama cha, Izarel pathlazy ta pahleipadia ei ta, ama râh Zawdâh haosâ nohchhina lâ râh Arnaw saikao tawhta Hamaw Tlâh taihta zy, nochhi lâchhâh ta Arabah zydua nata ama hneipa abeizy cha:
2 Amawri mo abei Sihaw Hesbaw liata a ypa chata Arnaw saikao kiah liata a ypa, Arôera khih tawhta ryu a reipa châ ta; saikao lialiah ta khihpi zy Amawna pathlazy râhri Zabaw chavah taihta Kilia râh khophie chô liana chata ryu reih hra ta,
3 chatawhcha nochhi lâna chata Arabah liata Chinerô tipo taihta châ ta. Chatawhcha nochhi lâ hei Bezesimô siena lâpi lâta Arabah tilaipi, Tilaipi Iahpa taihta châ ta. Chatawhcha chho lâna chata Piska baihkhaihpa ry taihta châ ta;
4 Astarô nata Edrei khih liata a ypa Repha pho a y chhôhpa zy hry liana chata Basana abei Ôka a bei ta,
5 ano chata Hamaw Tlâh liata zy, Salekah khih liata zy, Basana râh zydua liata, Kesurimô nata Maakah mo râhri taih nata Hesbaw abei Sihaw râhri rakha, Kilia râh khophie taihta ryu reih ta.
6 ABEIPA chakaotuhpa Mawsi nata Izarel pathlazy chata cha sahlao cha thie ei ta; chatawhcha ABEIPA chakaotuhpa Mawsi chata Rubena chi zy, Kada chi zy, Manase pho khophie zy cha ama ryuto ta pachhaih ta.
Abeizy Zawsua ta a pahniepa
7 Chatawhcha he râh abei sahlao he Zawsua nata Izarel pathlazy ta Zawdâh haosâ notla lâchhâh ta ama thiepa zy ama châ, Lebanaw saikao Baalkada tawhta Seira Tlâh a kaw dytupa Halaka Tlâh taihta, Zawsua chata Izarel phozy amâ chhaina yzie lymâ hawhta, cha râh cha ama ryuto châta pie chyu ta,
8 tlâh râh liata zy, bypi râh liata zy, Arabah liata zy, tlâh baihkhaihpa râh liata zy, râhpathohpa râh liata zy, Neke râh liata zy, chazy cha Hiti mozy, Amawri mozy, Kana mozy, Periza mozy, Zebu mozy râh kha a châ:
9 Zerikô abei pakha; Bethel kiapâh ta Ai abei pakha,
10 Zerusale abei pakha, Hebraw abei pakha,
11 Zaramu abei pakha, Lakisa abei pakha,
12 Eklaw abei pakha; Keza abei pakha,
13 Debi abei pakha, Keda abei pakha, Hômah abei pakha, Arada abei pakha,
15 Libnah abei pakha, Adula abei pakha,
16 Makedah abei pakha, Bethel abei pakha,
17 Tapua abei pakha, Hepha abei pakha, Apheka abei pakha, Lasraw abei pakha,
19 Madô abei pakha, Hazaw abei pakha,
20 Shirômerô abei pakha, Aksha abei pakha,
21 Tanaka abei pakha, Mekidô abei pakha,
22 Kedesa abei pakha, Kamel tlâh liata Zôkania abei pakha,
23 Daw tlâh sâhpa liata Dôra khih abei pakha, Kilkal liata Kôima pho sahlao abei pakha,
24 Tizah abei pakha, abei zydua cha sythôh nata pakha ama châ.
| Bo 1 | Bo 2 | Bo 3 | Bo 4 | Bo 5 | Bo 6 | Bo 7 |
|---|---|---|---|---|---|---|
| Bo 8 | Bo 9 | Bo 10 | Bo 11 | Bo 12 | Bo 13 | Bo 14 |
| Bo 15 | Bo 16 | Bo 17 | Bo 18 | Bo 19 | Bo 20 | Bo 21 |
| Bo 22 | Bo 23 | Bo 24 |