Ryureituhpazy lâta tao awpazy
1 Chyhsa to ama chota ryureitupazy reisai ta y ei se. Khazohpa bie leipa ta ahyhma ryureituhpa y tlôh lei khâh ei ta, ryureituhpa ta a ypazy he Khazohpa raopa ama châ.
2 Chavâta ahyrai ryureituhpa a eipa cha Khazohpa raopa adyuhpa châ ei ta, adyutuhpazy chata âmo chô liata pachiana ama hmô aw.
3 Ryureituhpazy cha hmophapa a taotuhpazy châta chichhihpa châ leipa ei ta, hmo pha leipa a taotuhpa châta deikua cha chichhihpa ama châ. Cha khiahtala ryureituhpa chi leipa ta na y khoh ma? Hmo phapa tao la a cha reithai aw,
4 ano cha na pha nawpa ta Khazohpa chakaotuhpa châ tlôh ta. Châhrasala hmo moleipa na tao khiahtala chi teh, zaozi cha a chei thlâhthli tlôh lei khâh ta; ano cha Khazohpa a chakaotuhpa hmo paraotuhpa chô ta, hiehâhpa ta phuh a latuhpa châ tlôh ta.
5 Chavâta hiehâna chi vâta dei châ leipa ta, na ngiaryna ryh leina vâta chhaota ryureituhpa reisai ta na y awpa a châ.
6 He vâna heta chhie chhao nama cheih tyh mâ tâh, cha hawhpa hmo tlai tao lylia awpa ta Khazohpa chakaotuhpazy châ tlôh ei ta.
7 Chyhsa zydua lâta pie awpa maih pie teh u, leimâ pie awpa lâna chata leimâ pie ula, chhie cheih awpa lâna chata chhie cheih ula, chi awpa cha chi ula, a papeisa awpa cha apapeisa teh u.
Krizyhpa hrozie chhoreina
8 Kyh a pachâ rairiena dei leipa ta cha ahyhma khâpahma abâh kha u; âmo chyhsa heih kyh a pachâtuhpa chata ryhpa cha paki haw tlôh ta.
9 Hezy, “Aphei khâ; Lianychei khâ; Paru khâ; Uava khâ,” tahpa nata biepiepa hropa a ypazy chhao he, “Nâma kyh nâ pachâpa hawhta na vaihzy kyh na pachâ awpa a châ,” tahpa heta pahly khai ha tlôh ta.
10 Kyhpachâna ta vaihzy parao beih leipa ta; chavâta kyhpachâna he ryhpa zyh pakina a châ.
11 Atahmâhlâ hmo yzie nama pahnopa vâta nata amôpa thyu â daih haw hmeiseih tahpa nama pahnopa vâta cha cha ei reih. Atahmâ cha eimâ ngiapâ tua no hlâna khata eima pachhana cha a hnia via haw tlôh ta;
12 zâ he chhâ daihmâ ha ta, khih a deih daihmâ haw. Chavâta zohna liata hmotaopa cha thy ei sihla, khaihna atobina ta atobi ei suh u;
13 nohchhô ta ypa hawhta a ngia ngaitapa ta y ei suh u, sahhma dona nata sahhma paripa ta y leipa ta, parâpa nata aphei hmâhpa ta y leipa ta, atupa nata hiatliapa ta y leipa ta.
14 Abeipa Zisu Krista châta tlao a tobi ula, nama sapa piepie-aohraona paki nawpa ta khâpahma a tao khah u.
| Bo 1 | Bo 2 | Bo 3 | Bo 4 | Bo 5 | Bo 6 | Bo 7 |
|---|---|---|---|---|---|---|
| Bo 8 | Bo 9 | Bo 10 | Bo 11 | Bo 12 | Bo 13 | Bo 14 |
| Bo 15 | Bo 16 | |||||