Tilaipi kiapâh râhpathohpa kyh chhochhieliena
1 Tilaipi kiapâh râhpathohpa phao hri cha. Neke liata khisô a sie palâhpa hawhta, râhpathohpa tawhta râh chichhih ngaitapa tawhna chata â vy na.
2 Aluahna pei ngaitapa ei hnohta pahnosapa a châ haw; piehpie ngaitapa ta a taotuhpa chata piehpie ngaitapa ta tao ta, hraotuhpa chata hrao ta. Hy Elami sahlao khy teh u, hy Media sahlao chado teh u, a moh rôhnahna zydua cha ei papai khai haw na.
3 Chavâta ei chaizy he pasana kyh ta bie ta; chanô sawzeipa pasana hawhta pasana ta eina patu haw; nah ta thei thei leina taihta pasapa tao na ta, a pavâpa hmô thei leina taihta ei nô po ta.
4 Ei pathipalôh sâh daih ngâ ta, hmo rarôh y ngaitapa ta na pachisa ta; zâlâ ngiatiah leipa ta ei y tyhpa kha, ei châta a chalyuna ta a châ haw.
5 Tlâhkhai a chhuahdy ei ta, riahvaihtuhpa cha pavaisa ei ta, nie ei ta, doh ei ta, Hy abeisaw saih u, thyu ula, vyphaoh kha sathaw thu teh u!
6 Abeipa chata ei hnohta he tana heta reih ta: Sie la, riahvaihtuhpa pavaisa teh, ano chata a hmo hmôpa cha reih maw sy
7 Pheisaih sahlaozy arâ a kiapa, a bao ta a siepazy alâ hlaozy nata arâraoseipa hlaozy a hmô tina chata. pakhâta ta a nahthlie aw,” tahpa ta.
8 Chatawhcha riahvaihtuhpa aw ta: Hy Abeipa, nohchhô ta cha riahvaina o sâhpa liana heta khâ a duah na ta, zâ khihdei ta ei vaihna liana heta khâ na paysa ta.
9 Nahthlie teh, he liana heta chyhsapa hlao, arâ kiapa a bao ta a siepa amâ vyna!” tahpa ta. Chatawhcha ano lilaw chata, Babylaw khih cha a nawh haw, anawh haw; ama khazoh sahlao nohthlahpa a taopa zydua cha alei liata pazao khaipa ta a y haw,” tahpa ta a chhy ta.
10 Hy ei sâh chakhy chiehpa, sawhri liata sâh, Pheisaihzy ABEIPA Izarel Khazohpa tawhta ei pahnopa cha ei cha chho ei hih.
Duma kyh chhochhieliena
11 “Duma phao hripa cha, Chyhsa ta Seira tlâh tawhta na aw ta, Riahvaih tuhpa y, zâ he kheihta e a cha haw? Riahvaihtuhpa y, zâ he kheihta e a châ haw?” tahpa ta.
12 Riahvaihtuhpa chata:” My a vaw châ daihmâ haw, zâ chhao. Nama hiahri khoh khiahtala hiahri teh u; aheih heih ula, a vy teh u,” tah ta.
Arabia kyh chhochhieliena
13 Arabia râh chôta phao hripa cha, Hy Deda sahlao khitlypa hlao saih u, Arabia râh lyurâhpa liata namâ rie aw.
14 Dâhphipa lâna chata ti vaw cheih ei ta, Tema râh liata a ypazy chata ama pati ta a râpazy cha dy ei ta.
15 Zaozizy tawhta, zaozi phia chiehpa tawhta nata libaw a kei chiehpa tawhta nata adyuhna riethei ngaitapa tawhta a râpa châ tlôh ei ta.
16 Abeipa chata he tana heta ei hnohta reih tlôh ta, Ahlaopa kô reipa ta, kô kha chhôh ta, Keda sahlao rôhnahna zydua cha lei khai aw ta;
17 Libaw a hmâhpa Keda pathlazy hry liata thatlôpa a y chhôhpa cha a chyhta ama châ aw; ABEIPA Izarel Khazohpa chata cha cha reih haw tlôh ta,” tahpa ta.