Alyna biereina hla
1 Cha noh liana chata he hawhta na reih aw,“Hy ABEIPA y, ei cha reithai aw na, ei chôta na hie hâh hra sala, na hiehâhna cha pai haw ta, thlah eina palôh chi.
2 Khazohpa cha ei pachhana a châ; ngâ aw na ta, chi aw va na; ABEIPA KHAZOHPA cha ei thatlôna nata ei hla châ tlôh ta; ano cha ei pachhana a vaw châ hra,” tahpa ta.
3 Pachhana tikhaoreizy tawhna cha thaphapa ta ti ama thaih aw.
4 Cha noh liana chata he hawhna heta nama reih aw: ‘ABEIPA lâta alyna bie reih ula, a moh pado ula; a hmotaopazy cha chi to hry ta pahnosa ula, a moh cha parôhnahsapa ta a y.” tahpa reih hra muh vy.
5 ‘ABEIPA lâta hla sa teh u, ano chata hmopha ngaitapa zy tao haw tlôh ta, cha cha leilô a pahrâpa zydua liana heta pahnopa ta y mawh sy.
6 Zaio a pahrâpa saih u, thapi ta aw ula, sâh teh u, Izarel Mo Pathaihpa nama hry liata a ypa cha rôhnah tlôh ta.