Biesozy 26
1 Nopi noh dâhaw tlapa nata sâhhria nota vâsua a ky leipa hawhta, ahrupa palyupalihna he a ky vei.
2 Boby a viapa hawhta nata sivia a zaw haipa hawhta a chhâpa y leipa ta, chhie a sapa cha khâpa hrao leipa a châ.
3 Chheina ri cha arâ châta châ ta, chhâri cha alâ châta châ ta, sôsi cha ahrupa kyh châta a châ.
4 Ahrupa cha a hruna rei yzie hawhta a chhy khâ, ano hawhta na vaw châ pathlei aw na.
5 Ahrupa cha a hruna yzie reisai ta a chhy teh, chata leipa ta cha anosasyh ta chyhsa sopa lâta a pachâ pathlei aw na.
6 Ahrupa bie a tatuhpa chata ano phei a taipa cha ta ano raona a do.
7 Pheisypa pheizy cha a hie ngâ ta, cha hawhna chata pakhona bie cha ahrupa pakah liana chata a châh tyh.
8 Ahrupa palyupalihpa cha alô a pacho hôlôpa chô liata alô sopa sahria hawhta a châ.
9 Ahrupazy pakah liata pakhona bie cha, sahhmah paripa ku ahloh chhôpa hawhta a châ.
10 Ahrupa nata chyhsa a khiekhâ ngâpa cha châtai a ka thaipa hmah paphao tyhtuhpa hawhta a châ.
11 Ahrupa a hruzie a palâsa heih tyhpa cha, i a pali chiehpa a nie heih tyhpa hawhpa he a châ.
12 Anosasyh a pachâna zie ta so a tahpa na hmô tyh ma? Cha hlâta cha ahrupa liata hnabeiseih a chhihpa a hluh via a y.
13 Chyhsa thathipa chata, “Lâpi liata chakeibarôhneipa a y, othliah liata chakeibarôhneipa a y,” a tah tyh.
14 Baoli liata ochhi pahipa hawhta thathipa cha, a rakhô liata a palie ngâ tyh.
15 Thathipa chata a ku beihko liata ny ta; a pakah lâta chalo heih awpa chhao hoh tyh vei.
16 Chyhsa pasari hmo a laichadai thaipa hlâ chhaota thathipa cha ano pachâ ta a sôh via.
17 Chyhsa ahryuna liata â thlatuhpa cha i atu haipa chaolahmei patupa hawhta a châ.
18 Ahrupa a vaihzy dôpa ta, “Ei saisopa châ vei ma?” a tahtuhpa cha,
19 ahrupa meirei zy, châtai zy, thina zy a hie patlatuhpa hawhta a châ.
20 Tho a tlôpa vâta mei cha thi ta; Hohiahpa ta bie a reihtuhpa y leina liana chata ahryuna â chalih tyh.
21 Mei-ia cha meihei a pakâsatuhpa nata tho cha mei a pa-iatuhpa a châpa hawhta, paphôh a hmâhpa chyhsa cha ahryuna a pa-iatuhpa hawhta a châ.
22 Hohiahpa ta bie rei a hmâhpa zy bie cha pati pahâh ngaitapa hawhta châ ta; py chhôh liata â ngia tyh.
23 Bierei pahniapa hmao nata pathipalôh moleipa cha beihlei hmobaoh tâkâri syu-ie ta pahupa hawhta a châ.
24 A pakah ta a chariahpa cha a phana reipa thei ta, a palôhrupa deikua dô veina a châ;
25 a phapa ta a reipa chhaota ngâ khâ, a pathipalôh liata hmo pasichhihpa miasari a vao tlôh ta;
26 a haona cha dôna ta nyu hra sala, a hmoparaona cha vâtlâh pahnopa ta phuahpa a châ aw.
27 Khaotlô a chaopa maih cha a chhôh liata tla aw ta, ahyrai alô a pahluapa cha ano chô liata a lie heih aw.
28 Paleih a haih thaipa chata ano hmahzy cha a hao tyh ta, papyupahlyna pakah chata hmo a parao tyh.
| Bo 1 | Bo 2 | Bo 3 | Bo 4 | Bo 5 | Bo 6 | Bo 7 |
|---|---|---|---|---|---|---|
| Bo 8 | Bo 9 | Bo 10 | Bo 11 | Bo 12 | Bo 13 | Bo 14 |
| Bo 15 | Bo 16 | Bo 17 | Bo 18 | Bo 19 | Bo 20 | Bo 21 |
| Bo 22 | Bo 23 | Bo 24 | Bo 25 | Bo 26 | Bo 27 | Bo 28 |
| Bo 29 | Bo 30 | Bo 31 | ||||