Hrona nata nôchâ biesopa zy
1 Pathipalôh a chhuana cha chyhsa topa châ ta, paleih achhyna deikua cha ABEIPA tawhtapa a châ.
2 Chyhsa, ano pachâ ta a lâpi zydua pathai ta; châhrasala ABEIPA ta palôhrupa zydua kho a pathlia tyh.
3 Na raizy cha ABEIPA pavaosa teh, chatanachata na hmo a chhuahpazy cha pa-ipa ta a y aw.
4 ABEIPA ta hmo zydua he chhâ hnei chyupa ta tao ta, hmoparaopazy chhao he noh pha leipa châ ta.
5 Pathipalôh liata apalaipa maih cha ABEIPA châta pasichhihpa ama châ, bie a paraoh hra ei sala hrie leipa ta châ aw veih ei.
6 Zawngiahna nata hmeihseihna ta hmotaopa cha pathaipa châ ta, ABEIPA china ta chyhsa ta molei ama siesai tyh.
7 Chyhsa ta a yzie ta ABEIPA a palysa khiahta cha, a khakhaipa lâ chhao taih a ryhpa ta a paysa tyh.
8 Sia lei ngaitapa ta a hluhpi hneipa hlâta, a sia ngaitapa ta a chyhta hneipa a pha via.
9 Chyhsa pathipalôh ta a lâpi pachâpady ta, châhrasala âmo a chhituhpa cha ABEIPA a châ tyh.
10 Abei hmaozy liata Khazohpa bie chho chhieliepa ta y ta, a reipazy cha a su leipa y aw vei.
11 Khopathliana nata thliena dopa he ABEIPA eih châ ta, sykhao a hrinazy cha a pachâ tyh.
12 Hmoparaopa hmotaopa he abeizy châta pasichhihpa châ ta,abeidyuchhai cha siana ta pa-ipa châ tlôh ta.
13 Hmao siapa cha abei alyna châ ta, bie dopa a reipa cha ama pasô tyh.
14 Abei hiehâhna cha thina lyuhchâpa hawhta châ ta, a sopa deikua chata a padia aw.
15 Abei hmia khaihpa liana chata hrona y ta, a khokheina cha vâsua hnôh chaipa meihdo hawhta a châ.
16 Ngôh hlâta cha sona hneipa he a pha syulyu dia! Tâkâ hlâta cha pahno thaina cha atlyh via awpa a châ.
17 Chyhsa a dopazy lâlai cha molei na siesaipa a châ; a lâpi a phapa ta a vaihpa chata a hrona a paboh.
18 Apalaipa cha leidiana hmia lâta sie ta, palôhrupa a tahsapa cha a hluana hmia lâta.
19 Chyhsa apalaipazy chhaota hraota hraona hmo a raipa hlâta, sipasapazy chhaota chyhsa palôhru reisipa châpa a pha via.
20 Bie pakhâta ta a pachâpa chata hmophapa to aw ta, ABEIPA a ngâpa maih cha a tha a pha.
21 Pathipalôh liata a sopa cha ryhpaona a pahnona tahpa châ aw ta, reikah thlôhna chata thaina a papôh.
22 Pahno thaina he a hneituhpa châna chata hrona tihnawh châ ta, ahrupazy châna deikua cha chhoreina cha ama hruna a châ.
23 A sopa pathipalôh chata a biereipa a bao, a hmao liata thaina a baichha tyh.
24 Bie phapa cha kheihthlaw hawhta châ ta, hrona châta thlôh ta, ru châta hri-ia pathaihna a châ.
25 Chyhsa pachâ ta lâpi do kawpa ta âlâpa, a chhâna cha thina a châpa a y.
26 Hriapasatuhpa pati khona chata hriapasa ta, a pakah chata a hriapasa sa.
27 Chyhsa dyutlai leipa chata hmo peipa hria awpa ta pachâ ta, a hmaozy liata mei sah ngaitapa hawhta a y.
28 Chyhsa chhorupa chata ahryuna hie ta, bieparu rei a hmâhpa ta viasa zy a pachhaih tyh.
29 Chyhsa nôchhiepa ta a vaihzy chhitha chhei tyh ta, lâpi pha leipa liata â chhi tyh.
30 Chyhsa a mo buahpa cha pathipalôh sia paki leina a hnei, a hmao a papietuhpa chata hmopha leipa a tlôkhei tyh.
31 Luhpawhpa cha rôhnahna lakho châ ta; siana lâpi liata hmôpa a châ aw.
32 Hiehâhna lâta nainô a sôpa cha thatlôpa hlâta pha via ta, a palôhrupa a chhorei pahniepa cha khihpi a latuhpa hlâta.
33 Pachaona he kalachhôh liata pachaopa châ ta,hmo a vaw puapa deikua cha ABEIPA taopa a châ.
| Bo 1 | Bo 2 | Bo 3 | Bo 4 | Bo 5 | Bo 6 | Bo 7 |
|---|---|---|---|---|---|---|
| Bo 8 | Bo 9 | Bo 10 | Bo 11 | Bo 12 | Bo 13 | Bo 14 |
| Bo 15 | Bo 16 | Bo 17 | Bo 18 | Bo 19 | Bo 20 | Bo 21 |
| Bo 22 | Bo 23 | Bo 24 | Bo 25 | Bo 26 | Bo 27 | Bo 28 |
| Bo 29 | Bo 30 | Bo 31 | ||||