1 Saw sopa chata a paw pachuna a papeisa tyh ta, nawhtaw hmâhpa deikua chata rana nahthlie khoh tyh vei.
2 Chyhsa phapa ta a biereipa patheipa hmophapa nie aw ta, hryuchhina deikua chata nôchhiena.
3 A pakah a sohsi theipa chata a hro a phapa ta a vaihpa châ ta; a reih hluh tupa deikua cha leidiana a châ.
4 Thathipa palôhrupa chata hmo khoh tyh ta, châhrasala khâpa hmah hnei hlei leipa ta, tiamapa palôhrupa deikua cha lôhhrâ patlôpa a châ aw.
5 Chyhsa siapa chata haipa a hao ta, chyhsa hmoparaopa deikua cha pasi a chhih ta, maohphyuhna a tlôkhei tyh.
6 Siana chata a dopa ta a ypa zy cha hrôbieh tyh ta, hmoparaopa deikua chata moleipa a papao tyh.
7 Anosasyh hneirôhpa ta a ngiahpa, khâpa hmah a hnei leipa y ei ta; anosasyh sipasapa ta a ngiahpa hneirôh kawpa ama y.
8 Chyhsa a hrona chatlaina cha sôh châ ta, sipasapa deikua chata chichhihna pahno tyh vei.
9 A siapa khaihna cha khaih pha ta, hmoparaopa meiôh deikua cha pachhaipa a châ aw.
10 Palaina chata ahryuna papua ta, chhosiena phapa liana deikua chata sona a y.
11 Khâpa hrao leipa ta sôh a hmôpa cha papaipa châ aw ta, hriapasapa ta pachôpa deikua cha a pôh aw.
12 Hnabeiseina pahawhpa heta pathipalôh pasasa ta, saduthiepa a vaw tlôpa deikua he hrona tho a châ.
13 Ahyrai ta bie a mohnaopa maih chata leidiana tlôkhei aw ta, biepiepa a taopa maih deikua cha lymâ a hmô aw.
14 Chyhsa sopa ryhpa bie cha hrona tihnawh a châ, thina khoheizy tawhtapa a râsai thei nawpa ta.
15 Pahnona phapa chata khokheina patosa ta, piehpiepa lâpi deikua cha a ru.
16 Ryhpaona a pahnopa zydua ta sona ta hria ei ta, ahrupa deikua chata hruna a pakawh sa tyh.
17 Tuapa hmoparaopa cha hmo moleipa tlôkhei tyh ta, lyuhchâpa ngâchhihpa cha hrona a châ.
18 Chhoreina a khoh leituhpa chô liana chata dyhchhiena nata maohphyuhna tlô aw ta, rana a pasâhsatuhpa deikua cha palyupalihpa a châ aw.
19 Saduthiepa pitlopa ta a vaw ypa cha hrona châta thlôh ta, ahrupazy châna deikua cha moleina siesaipa he pasichhihpa a châ.
20 Chyhsa sopa a paky la, so aw chi ta, ahrupa a pakyhpa deikua cha riethei taopa na a châ.
21 Moleipa cha vâchhiena ta zi lymâ tyh ta, a siapa deikua cha nohhlaona ama to aw.
22 Chyhsa phapa chata a samohzy taihta ryu to awpa sopa tyh ta, moleipa sôh cha a siapa châta pachôpa a châ.
23 Sipasapa leipaliepa liana chata niepa a hluhpi y ta, châhrasala ryurei do leipa yna cha paraopa ta a y tyh.
24 Sôsi a hmâh khoh leipa cha a saw ahaopa a châ, a kyh a pachâtuhpa deikua chata a daihti ta cha a chhei tyh.
25 Chyhsa siapa chata a hrona lôhrâ patlôna châta nie tyh ta, hmoparaopa py deikua chata â phahla aw.
| Bo 1 | Bo 2 | Bo 3 | Bo 4 | Bo 5 | Bo 6 | Bo 7 |
|---|---|---|---|---|---|---|
| Bo 8 | Bo 9 | Bo 10 | Bo 11 | Bo 12 | Bo 13 | Bo 14 |
| Bo 15 | Bo 16 | Bo 17 | Bo 18 | Bo 19 | Bo 20 | Bo 21 |
| Bo 22 | Bo 23 | Bo 24 | Bo 25 | Bo 26 | Bo 27 | Bo 28 |
| Bo 29 | Bo 30 | Bo 31 | ||||