Reithaina nata achhyna hla
1 A vy teh u, ABEIPA palyupalihpa ta thapha ngaitapa ta sa ei suh u; eima pachhana lôpanô palyupalihpa ta thapha ngaitapa ta awh ei suh u!
2 Alyna bie reipa ta a hmiakô liata vawh ei suh vy; pathaihna hla sapa ta ano palyupalihpa ta thapha ngaitapa ta ao papua ei suh u!
3 ABEIPA cha Khazohpa rôhnah ngaitapa châ tlôh ta, khazoh zydua chô liata Abei rôhnah ngaitapa a châ.
4 Ano ku liana chata alei su athuh ngaitapa zy cha y ta; tlâh laki a sâh ngaitapa zy ano eih châ hra ta.
5 Tilaipi he ano eih a châ, ano taopa châ tlôh ta; alei hipa chhao he a ku ta a taopa a châ.
6 A vy ula, achhypa ta a bôh ei suh u, ABEIPA maniah Taotuhpa hmiakô liata pakhu paneih ei suh u!
7 Ano cha eima Khazohpa châ ta, keimo he a sibiepa su liata chyhsa nata a ku liata mietahkupa sahlao zy châ tlôh pi ta. Atanoh heta a ao cha nama vaw thei tah mawh sala!
8 Meribah liata ama tahpa hawhna khata nama pathipalôh pachyu khah u, râhpathohpa liata Masa noh hawhna khata.
9 cha nona chata châ pathlatuhpa zy ta na reipasao ei ta, na pasia ei ta, ei hmotaopa cha hmô ei ta.
10 Kô sypalih chhôh dua cha, cha chhâ sahlao chô liana chata ei palôh châ leipa ta,” Ama pathipalôh liata pachâ pasina a hmâhpa chyhsa zy châ ei lâpi zy chhao pahno veih ei,” tahna ta.
11 Chavâta ei pahâna liana chata angia aw veih ei, Tahpa ta pathi-iapa ta chhie sa haw na ta.