Hlazy 93
Abeipa rôhnahna zie
1 ABEIPA cha ryureih ta; abeina zie ta a tobi ta; ABEIPA cha a tobi ta, thatlôna a chai liata a saih haw ta. Khizaw chhao he a chalyu thei lei awpa ta pa-ipa ta y ta;
2 na beidyuchhai cha hlâno ta vaw pa-i hawpa châ ta; nâ cha chhâzaw ta a y hawpa na châ.
3 Hy ABEIPA, tisaih zy chata papua ei ta, tisaih zy chata ama ao papua ei ta, tisaih zy chata ama chalâhparâpa zy papua ei ta.
4 Ti hluhpi aozy hlâta tilaipi chalâhparâpa thatlô ngaitapa zy hlâ chhaota, chô lâta ABEIPA cha a tha a tlô!
5 Na bie pahnosapa zy cha ngâchhih ngaitapa châ ta; hy ABEIPA, chhâzaw ta pathaihna he na o nahta â ngia na.
Hlazy (Psalm)