Khazohpa ngâchhihna vâta alyna
Hla chhihthatuhpa chata: Muth-labben ta sa awpa. Davi Reithaina Hla.
1 ABEIPA lâna cha ei pathipalôh zydua ta alyna bie ei reih aw; na hmotao noâhpa zydua cha ei reih aw.
2 Nâma liana cha alyna hneipa ta thapha aw na ta, hy nâ Chônôchai, reithaipa ta hla ei sa aw.
3 Ei khakhaipa zy cha amâ râpai nata, na hmiakô liata a chapiapa ta leidia ei ta.
4 Kei chata a châ awpa rai liata nata ei bie liana heta nâ ta na duakhei tlôh chi ta; a siapa ta pachiapa ta abeidyuchhai liana chata atyuh chi ta.
5 Phopi zy ra chi ta, hmoparaopa zy na pahlei; âmo moh cha chhâzaw châta phi ha chi ta.
6 Khakhaipa zy cha a mua haw ei ta, tlyzaw châta ama rao haw; ama khihpi zy cha parao khai chi ta; ama pahnona chhao a lei khai haw.
7 Châhrasala ABEIPA deikua cha tlyzaw chata atyuh ta, a abeidyuchhai cha pachiana châta a chhuahdy haw;
8 khizaw cha siana ta pachia ta, chyhsa to khokheipa hlei hnei leipa ta a pachia.
9 ABEIPA cha riethei taopazy châta kuh châ aw ta; nôpona noh liata kuh a châ.
10 Na moh a pahnopa maihta cha ngâ aw ei ta, hy ABEIPA, nâ cha tluapazy cha pathlua beih va chi.
11 Zaio liata a pahrâpa,ABEIPA lâna cha reithaina hla sa ula!Phozy ota a hmotaopa cha pahnosa teh u!
12 Thisaih phuh la a hmâhpa zy cha pahno thlâh ha ta; pasa taopazy awna ao cha my beih vei.
13 Hy ABEIPA, na ngiachhie la! Thina ochhi tawhtapa na chalo tyhtuhpa; nâ haotuhpa zy vâta ei nôpona he moh tua,
14 nâma reithaina zydua ei pahnosa thei nawpa ta, Zaio chhikao zy liana tlai chata na pachhana vâta ei tha a pha aw.
15 Phopi zy cha khaotlôh ama taopa liana cha tla ei ta; Anyupa ta sao ama paraipa liana cha ama phei a ao.
16 ABEIPA cha pahnosa ta, pachia haw ta, moleipa cha ano taopa liana tlai cha a ao haw. Higgaion. Selah
17 Hmoparaopa cha Sheôl lâna cha kua aw ta, pho to Khazohpa a mytuhpa zydua cha.
18 Bao a ngiahpa zy cha khâ mypa châ leipa aw ei ta, Sipasapa zy hnabeiseihna chhao chhâzaw ta lei hra aw vei.
19 Hy ABEIPA, thyu tua! Chyhsapa ta tiah khah se; pho to na hmiakô ta pachiapa ta tlao châ se!
20 Hy ABEIPA, âmo cha pachisa la! Pho to ta chyhsapa dei ama châna pahno ei se. Selah