Zaio liata pahrâ pha zie
Kôrah Sawchapawpazy Reithaina Hla. Hla.
1 A bohna cha tlâh pathaihpa zy liana chata a y;
2 ABEIPA chata Zaio kuh ochhizy cha Zakaw sahlao pahrâna zydua hlâta a pasô via.
3 Hy Khazohpa khihpi, na thâtih bie rôhnah ngaitapa ta ama reih tyh. Selah
4 Na pahnotuhpa zy hry liata amâ hlao hra tahpa, Izi nata Babylaw kyh ei reih aw; Philistia nata Tyre he Ethiôpia chhao heta moh tua, “He chyhsa he cha liata a pihpa cha a châ,” ama tah.
5 “He chyhsa nata hao chyhsa hao, Ano liata a pihpa châ ei ta”; Chônôchaipa tlai chata ano cha a padua aw, tahpa, Zaio kyh cha ama reih aw.
6 ABEIPA ta chyhsa to moh a ro tina chata, “He chyhsa he cha liata a pihpa cha a châ,” tahpa a reih aw. Selah.
7 Hla satuhpa zy nata a lapa zy chata. “Zaio he eima byhnâ to hnawh cha a châ,” ama tah.