A boh nawpa ta thlahchhâna (Hla 40: 13-17)
Hla chhihthatuhpa châta: Davi Reithaina Hla: Hlâna thei heih nawpa ta.
1 Hy Khazohpa, na pachha la, aly teh! Hy ABEIPA, a chatliepa ta na bao mah y!
2 Ei hrona pahlei a chhuahpa ta a tluatuhpa zy cha, noza ngaitapa nata maophyuh ngaitapa ta y ei sala! Ei hrona chô liata alytuhpa zy cha parâpaisapa ta nozapa ta y ei se!
3 “Khaw, khaw!” a tahtuhpa zy cha, ama maophyuhpa vâta parâpaisapa ta y mawh sy.
4 Cha tluatuhpa zydua cha nâma liana chata thapha ngaitapa nata aly ngaitapa ta y ei sala! Na pachhana a pasôtuhpa zy chata, Khazohpa cha palyupalihpa ta y mawh sy!” tah tyh ei se.
5 Châhrasala kei cha sipasa nata dyhchhie ngaitapa châ na ta; hy Khazohpa, kei lâta a vy patoh mah y! Nâ cha na baotuhpa nata na pachhatuhpa châ chi ta; hy ABEIPA, hawh cheita khah y!