Babylaw liata sei atâhpa zy mâchhiesana
1 Babylaw chavah kiah liata zy, cha liata atyuh pi ta, cha tyh pi ta, Zaio eimâ thei thlâh ha nota cha.
2 Cha liah liata râhbu chô liana zy chata totâ zy bangie pi ta.
3 Cha liana chata sei ta maniah a chhituhpazy ta hla sa maniah a haw ei ta, “Zaio hla cha keimo châta sa muh vy!” tahpa ta.
4 Khichhaipa râh liana zy chata ABEIPA hla kheihta e eima sa thei aw?
5 Hy Zerusale, ei cha my ha khiahta cha, ei ku chachâh lâ heta a zôthaina he my hra mawh sy!
6 Ei châ thei thlâh ha leipa khiahta cha, ei palei he ei dâh liata khâchâ a bai mawh sy, ei lyna chaipa hlâta Zerusale ei cha khoh via leipa khiahtala!
7 Hy ABEIPA, Zerusale noh cha Edôma pathlazy chô liata a chhiena lâta pahno thlâh ha mah y, “Alô bôna lâ chhaota pacho muh vy, pacho muh vy!” a tahtuhpa zy cha.
8 Hy Babylaw sawchanô saih u, pahleipadiapa ta a y awpa! Eima chô liata tah aw chi ta, deichhytuh awpa cha aly ngaitapa ta a y aw!
9 Na saw chyhpa ta zy chhupa ta, alôpanô liata chhei nawpa ta a hmâhtuh awpa cha aly ngaitapa ta a y aw.