Abeipa kyhpachâna reithaina
1 ABEIPA lâta alyna bie reih teh u, ano cha pha tlôh ta, a zawngiahna cha chhâzaw ta y tlôh aw ta.
2 Khazohzy Khazohpa lâna chata alyna bie reih teh u, a zawngiahna cha chhâzaw ta y tlôh aw ta.
3 Abeizy ABEIPA lâta alyna bie reih teh u, a zawngiahna cha chhâzaw ta y tlôh aw ta.
4 ano dei tlai hmonoâhpa rôhnah ngaitapa a taotuhpa lâna chata, a zawngiahna cha chhâzaw ta y tlôh aw ta;
5 sona liata avâ a taotuhpa hnohna chata, a zawngiahna cha chhâzaw ta y tlôh aw ta;
6 alei he ti chô liata a sotuhpa hnohna chata, a zawngiahna cha chhâzaw ta y tlôh aw ta;
7 khaihna rôhnah ngaitapa a taotuhpa hnohna chata, a zawngiahna cha chhâzaw ta y tlôh aw ta;
8 nohchhô ryu a reituhpa chata, a zawngiahna cha chhâzaw ta y tlôh aw ta;
9 thlâpâ nata awhsi sahlao zâ ryureituhpa chata a taotuhpa hnohna chata, a zawngiahna cha chhâzaw ta y tlôh aw ta.
10 ku thatlôpa nata bâh pazawhpa ta, a zawngiahna cha chhâzaw ta y tlôh aw ta;
11 Izi sahlao saw tuapazy a thietuhpa, a zawngiahna cha chhâzaw ta y tlôh aw ta;
12 Izarel sahlao ama hry tawhtapa a chhihthatuhpa hnohna chata, a zawngiahna cha chhâzaw ta y tlôh aw ta;
13 Tilaipi Saihpa a pachhaih pathlatuhpa hnohna chata, a zawngiahna cha chhâzaw ta y tlôh aw ta;
14 Izarel sahlao lialiah liata a chakasatuhpa, a zawngiahna cha chhâzaw ta y tlôh aw ta;
15 Phirao nata a pheisaih sahlao deikua cha Tilaipi Saihpa liata a pahleipadiatuhpa hnohna chata, a zawngiahna cha chhâzaw ta y tlôh aw ta;
16 a chyhsazy râhpathohpa liata a chhihthatuhpa hnohna chata, a zawngiahna cha chhâzaw ta y tlôh aw ta;
17 abei rôhnah ngaitapa zy a thietuhpa, a zawngiahna cha chhâzaw ta y tlôh aw ta;
18 abei moh pathâh ngaitapa a thietuhpa. a zawngiahna cha chhâzaw ta y tlôh aw ta;
19 Sihaw, Amawri mo beipa nata, a zawngiahna cha chhâzaw ta y tlôh aw ta;
20 Ôka, Basana râh beipa zy thie ta, a zawngiahna cha chhâzaw ta y tlôh aw ta;
21 ama râh ryutona, a zawngiahna cha chhâzaw ta y tlôh aw ta;
22 a chakaotuhpa Izarel ryutona pietuhpa hnohna chata, a zawngiahna cha chhâzaw ta y tlôh aw ta.
23 Ano chata eima pho a nawh nona khata maniah pahno thlâh ha ta, a zawngiahna cha chhâzaw ta y tlôh aw ta;
24 maniah adyuhtuhpa tawhta maniah pachha ta, a zawngiahna cha chhâzaw ta y tlôh aw ta;
25 ano chata sapa zydua hnohta niepa pie tyh ta, a zawngiahna cha chhâzaw ta y tlôh aw ta.
26 Avâ Khazohpa hnohna chata alyna bie reih teh u, a zawngiahna cha chhâzaw ta y tlôh aw ta.