1 Chatawhcha Elihu chata reih lymâ ta:
2 “He na reipa he â supa ta na pachâ ma? “Khazohpa hmiakô ta ei do,’ na tahpa he.
3 hmoparao vei sala khâpa e ei châta a phapa a y hlei? Ei châta athôhna khâpa a y? na tahpa he.
4 Ei châ vaw chhy tua aw na, nâ nata na viasa zy chhao.
5 Avâ lâ ua la, moh teh; meihdo zy khi moh la, nâma hlâta amâ sâh via.
6 Hmo na paraopa cha a châta khâpa a pei aw? Na paraona a hluhpa chhaota a peina khâpa e a y?
7 Na siapa chhaota, a châta phahnaina khâpa e a y aw; Na ku tawhtapa khâpa e a hmô?
8 Na moleina chata nâ hawhta moleipa dei a hria, na siana chata chyhsa saw deita a hria.
9 “Riepatheisana hluhpi vâta zawpizy cha awh ei ta. chyhsa thatlôpa zy bâh vâta baona ama hiah.
10 Châhrasala ahy hmahta, ‘Nâ taotuhpa Khazohpa cha khataih ta e, zâ ta hlazy na pietuhpa cha,
11 alei sazy hlâta na pachu viapa cha, avâ pavaw zy hlâta sôh viana nâ pietuhpa cha?’ tah veih ei.
12 Cha liana cha awh ta, ahy hmahta a chhy veih ei, moleipa chyhsa zy a palaina vâta.
13 Khazohpa ta hiana hrao leipa cha nahthlie tlai leipa aw ta, Atotaotheipa chata pachâ hra aw vei.
14 Nâ bailai ta hmô va na, bie pachia awpa cha a hmiakô liata a y thlâh haw, ano ei hâ thlâh aw, na tahpa he!
15 Atahmâ a hiehâh ta, a cha hrie leipa vâta nata, a palaina he thlai a papeisa leipa vâta,
16 Zawba heta a pakah â chakhyh ta, pahno leipa ta a biethâh tlâ a pahluhpa he,” tah ta.