Pachiana do leipazy vâta chhoreina
Asaph Reithaina Hla.
1 Khazohpa cha, Khazohpa a pakhyna taopa liana chata a vaw duah ta; khazoh zy hry liata pachia ta:
2 “Khachâ e, a sia leipa ta pachiapa ta hmoparaonazy cha nama khokhei pachai aw? Selah
3 Sipasapa nata paw hnei leipa zy cha pachia ula; riethei taopa zy nata dyhchhiepa zy chô liana chata a dopa ta tao teh u.
4 Sipasapazy nata dyhchhiepa zy pachha ula; hmoparaopa ku tawhta pachha teh u,” tahpa ta.
5 Pahno leipa ei ta, novâhna hnei hra vei ei, zohna liana chata a khie ngâ ei ta; leilô bôna zydua cha a chalyu haw ta.
6 He he ei bie phuahpa cha a châ: “Nâmo cha khazoh zy châ eichi ta, nama zydua ta khazoh rôhnahpa sawzy nama châ thei;
7 châhrasala chyhsapa hawh tlaita thi aw eichi ta, abeisaw ahyrai hawhna khata nama leidia aw”.
8 Hy Khazohpa, thyu la, alei pachia mah y; phopi to he, na ryuto châ tlôh aw ta!