Phopizy cha Khazohpa palyupalih awpa ta chhoreipa a châ
Hla chhihthatuhpa châta: ri a hneipa totâ ta sapa. Reithaina Hla. Hla.
1 Khazohpa ta maniah ngiachhie sala, byhnâ maniah aw pa sala, a hmia cha eima chô liata vaw pakhaihsa mawh sy, Selah
2 na lâpi cha alei chô liata pahnopa cha thei ta, na pachhana cha phopi zydua hry liata pahnopa a châ thei nawpa.
3 Hy Khazohpa, chyhsa to ta cha reithai ei se; chyhsa tozy chata cha reithai ei se!
4 Phopi cha aly ngaitapa ta ypa ta, thaphapa ta sa ei se, nâ ta chyhsa to cha thlei hlei hnei leipa ta pachiapa ta, alei chô liata phopizy cha ryu reih tlôh aw chi ta. Selah
5 Hy Khazohpa y, chyhsa to ta cha reithai ei se; chyhsa tozy chata cha reithai ei se!
6 Alei heta a hmo pyuhpa cha papôhsa ta; Khazohpa, keimo Khazohpa tlai chata byhnâ maniah a pie aw.
7 Khazohpa chata byhnâ maniah pie aw ta; kaokih liatahpa zydua chhaota ano ama chi!