Hlazy 66

Hlazy 66

Khazohpa hmotao rôhnahpa zy reithaina


Hla chhihthatuhpa châta: Hla. Reithaina Hla.

1 Zawpi zydua saih u, Khazohpa lâta thaphana pyu parosa ula;

2 ano moh rôhnah zie cha hla ta sa ula; a reithaina cha parôhnahsa teh u!

3 Khazohpa lâta, “Na hmotaopazy cha a rarôh y kaw dia! Na hmotaotheina rôhnah zie vâta nama khakhaipa zy cha nâ lâta ama panawhsa aw.

4 Zawpi zydua ta châ chhy aw ei ta; nâma reithaipa ta sa aw ei ta, na moh reithaipa ta ama sa aw,” tah ei ta. Selah

5 A vy ula, Khazohpa hmotaopa zy he moh teh u; chyhsa sawzy chôta a hmotaopa liana heta a rarôh a y na.

6 Ano chata tilaipi kha alei hipa lâta pachâsa ta; vapi kha phei ta sie haw ei ta. Cha liana cha ano liata thaphapa ta y pi ta,

7 a hmotaotheina chata chhâzaw ryurei ta, a mo ta phopizy a moh tyh, aty hmâhpa zy cha a palyupalih khah ei se. Selah

8 Hy mo to saih u, eima Khazohpa cha reithai ula, ano reithaina pyu cha patheisa teh u,

9 ano chata eima hrona he pahro thlâh ha ta, eima pheizy he pasie pasaih vei.

10 Hy Khazohpa, nâ ta maniah pasia chi ta, tâkâri pasiapa hawhta maniah pasia chi ta.

11 Nâ ta sao liata maniah chhihtha chi ta; eima chai liana heta phao hri ngaitapa pahnieh chi ta;

12 chyhsa zy eima luh chô liata pasiesa chi ta; mei nata ti sie pahlie pi ta; châhrasala su pha ngaitapa liata a ngia awpa ta maniah a chhi haw chi ta.

13 Raona hlâna zy chhaota na o liata a ngia aw na ta; ei chhiesakhâhna zy cha nâ liata ei patlô aw,

14 ei hmao ta reih ta, Nôpopa ta ei y nota ei pakah ta a reihpazy cha.

15 Sâh thawhpa raona hlâna zy nâ lâta hlâ aw na ta, mietahkupa tôhpa raopa rohpahâhpa chhaota; viahchao tôhpa zy, mie zy chhaota ei hlâ aw. Selah

16 A vy ula, Khazohpa a chipa zydua saih u, thei teh u, chatanachata ei hrona chata a hmotaopa cha ei cha pahnosa aw ei.

17 ano cha ei pakah ta aw na ta, ei paleih ta palyupalihpa ta y ta.

18 Ei pathipalôh ta moleina ei pachâ kaw khiahtala, ABEIPA ta na thei aw vei.

19 Châhrasala Khazohpa ta na thei hmeihseih ta; ei thlahchhâna ao cha a pachâ.

20 Khazohpa, ei thlahchhâna a heisaih leipa, kei liata a zawngiahna a bâh beih leipa cha reithaipa ta y mawh sy! 


Hlazy (Psalm)

Bo 1 Bo 2 Bo 3 Bo 4 Bo 5 Bo 6 Bo 7
Bo 8 Bo 9 Bo 10 Bo 11 Bo 12 Bo 13 Bo 14
Bo 15 Bo 16 Bo 17 Bo 18 Bo 19 Bo 20 Bo 21
Bo 22 Bo 23 Bo 24 Bo 25 Bo 26 Bo 27 Bo 28
Bo 29 Bo 30 Bo 31 Bo 32 Bo 33 Bo 34 Bo 35
Bo 36 Bo 37 Bo 38 Bo 39 Bo 40 Bo 41 Bo 42
Bo 43 Bo 44 Bo 45 Bo 46 Bo 47 Bo 48 Bo 49
Bo 50 Bo 51 Bo 52 Bo 53 Bo 54 Bo 55 Bo 56
Bo 57 Bo 58 Bo 59 Bo 60 Bo 61 Bo 62 Bo 63
Bo 64 Bo 65 Bo 66 Bo 67 Bo 68 Bo 69 Bo 70
Bo 71 Bo 72 Bo 73 Bo 74 Bo 75 Bo 76 Bo 77
Bo 78 Bo 79 Bo 80 Bo 81 Bo 82 Bo 83 Bo 84
Bo 85 Bo 86 Bo 87 Bo 88 Bo 89 Bo 90 Bo 91
Bo 92 Bo 93 Bo 94 Bo 95 Bo 96 Bo 97 Bo 98
Bo 99 Bo 100 Bo 101 Bo 102 Bo 103 Bo 104 Bo 105
Bo 106 Bo 107 Bo 108 Bo 109 Bo 110 Bo 111 Bo 112
Bo 113 Bo 114 Bo 115 Bo 116 Bo 117 Bo 118 Bo 119
Bo 120 Bo 121 Bo 122 Bo 123 Bo 124 Bo 125 Bo 126
Bo 127 Bo 128 Bo 129 Bo 130 Bo 131 Bo 132 Bo 133
Bo 134 Bo 135 Bo 136 Bo 137 Bo 138 Bo 139 Bo 140
Bo 141 Bo 142 Bo 143 Bo 144 Bo 145 Bo 146 Bo 147
Bo 148 Bo 149 Bo 150