Abeipa lahpinô pakiana hla
Hla chhihthatuhpa châta: Shoshannim ta sa awpa; Kôrah Sawchapawzy reithaina hla. Maskil. Kyhpachâna hla.
1 Ei pathipalôh he hmophapa ta khô ngâ ta; beichaipa thâtih liata ei phihpa cha ei reih aw na; ei paleih he châ ro a thai ngaitapa châsôh a châ.
2 Chyhsa sawzy hlâna heta chhithai via chi ta; ngiachhiena he na hmaozy liata hrypa a châ; chavâta Khazohpa ta chhâzaw châta byhnâ a cha aw pa.
3 Hy thatlôpa, na zaozi na chai liata sai teh, na rôhnahna nata nâ ngiana chôta.
4 Nâ ngiana a baipa ta hmeihseihna nata reisina nata siana vâta vânoh to ngaitapa ta arâ chô kiahpa ta sie lymâ mah y; na ku chachâh lâta hmo rarôh y ngaitapa zy a cha pachu aw!
5 Na châtai zy liata chyhsa to cha na ry liata pao tyh ei ta; abei chaipa khakhaipa zy châh-ao liana chata a chaloh thlâh ha aw ta.
6 Hy Khazohpa, na beidyuchhai cha chhâzaw nata chhâzaw ta a y awpa a châ. Thleina hnei leina ryureina chôhchahrei cha na khihnarâh ryureina chôhchahrei cha a châ;
7 siana cha pasô chi ta, moleina nâ haopa kha. Chavâta Khazohpa, na Khazohpa chata na heihzy hlâta thata thaphana thaw ta a cha thu hih;
8 na chysia zydua cha myr roh zy, alôs roh zy, kasia roh zy pahnâh ngâ ta. Sianaoh ta taopa abei o rôhnahpa zy liata totâ ri a hneipa pyu a vaw puapa zy chata a cha palysa hih;
9 na chanô zachhihpa hry liana chata abei sahlao sawchanô zy a hlao hra ei ta; na chachâh lâna chata Ôphira ngôh ta a tobipa ta abeinô cha a duah ta.
10 Hy ei sawchanô, nahthlie la, pachâ la, na nah pachôh teh; na chyhsa zy nata na paw o liata chyhsa zy cha my teh;
11 abei ta na hmipha ngaitapa he a khoh aw. Ano cha na beipa châ tlôh ta, anaoh tyh mah y;
12 Tyre sawchanô cha hmosaipiepa chabapa ta cha liana cha y aw ta, chyhsa hryta hneirôhpa zy tlai chata na ngiachhiena amâ haw aw.
13 Abei o rôhnahpa chhôh liata, abei sawchanô cha rôhnah kaw ta, a chysia cha ngôh ta zeipa a châ;
14 poh kiky pakypa a bupa ta abeipa lâta a chhi aw ei ta, ano a zituhpa a viasa laihsa sahlaozy cha nâ lâta amâ chhi aw.
15 Aly ngaitapa nata thapha ngaitapa ta a chhih aw ei ta, abei o rôhnahpa liana chata amâ ngia aw.
16 Na pawzy vyuhpa ta na sawzy y aw ei ta; âmo cha alei chô zydua liana heta abeisawzy ta na tao aw.
17 Na moh he chhâ zydua liata a thei thlâh ha awpa ta ei tao aw; chavâta chyhsa to ta chhâzaw nata chhâzaw ta alyna bie a cha hlâ aw ei.