Hlazy 15
Khazohpa tlâh pathaihpa a pahrâtuhpa zy
Davi Reitheina Hla.
1 Hy ABEIPA, na poh-o liana cha ahy e a tlô aw? Na tlâh pathaihpa liana cha ahy e a pahrâ aw?
2 Seina hnei leipa ta, hmo dopa a taopa, a palôhrupa liata bie hmeihseihpa a reihtuhpa cha;
3 a paleih ta kyh rei a hmâh beih leipa, a viasa chôta hmo chhiepa a tao leipa, a vaihzy châta a reipachhie leitupa cha;
4 a mo ta hmo moleipazy mohnao ta, ABEIPA a chipa deikua a palyupalih tyhpa cha; âmo châta a peipa chhao chhie a sakhâh hapa bie a panano beih leituhpa cha;
5 a pôhna a chadaipa ta dyu a pacheisa beih leipa, thai a châpa thai lei pachâsa awpa ta athôhna a la beih leipa chyhsa cha. Cha hawhpa hmozy a taotuhpa cha khati no hmahta a chalyu beih aw vei.
Hlazy (Psalm)