Chyhsapa zy hruna nata moleina (Hla 53:1-6)
Hla chhihthatuhpa châta: Davi Reithaina Hla.
1 chyhsa hrupa chata a palôh ta, “Khazohpa rai y vei,” tah ta. Hmo pasichhihpa tao ei ta, ama rao khai haw, hmopha a taopa rai y veih ei.
2 Pahno thaipa ta Khazohpa a tluapa rai ama y ma,tahpa ta, ABEIPA chata avâ tawhta chyhsa sawzy he za sai ta.
3 Ama zydua ta pavia khai haw ei ta, hmo pha leipa ama tao khai haw; ahy hmahta hmo pha a taopa rai y veih ei, pakha hmahta y veih ei.
4 Moleina a taotuhpazy heta pahnona rai hnei veih ei ma? Viahchhâ ama chaipa hawhta ei chyhsazy chaih khai ei ta, ABEIPA pado beih hra veih ei.
5 Cha liana chata chi ngaitapa ta y ei ta, Khazohpa cha chyhsa siapa pathlazy hry liata y tlôh ta.
6 Chyhsa rietheipa a chhuahna cha patypahrei chi ta, châhrasala ABEIPA cha a pabohna a châ.
7 Izarelzy pachhana cha Zaio tawhna chata vaw pua tlai tua sala! ABEIPA chata Izarel sahlao seichâna tawhna chata a vaw chhi heih tina cha, Zakaw pathlazy cha a thapha aw ta, Izarel cha a ly ha aw.