Taolatuhpazy tawhta aboh nawpa ta thlahchhâna
Hla chhihthatuhpa châta. Davi Reithaina Hla.
1 Hy ABEIPA, chyhsa moleipa tawhna chata na pachha la; chyhsa nôchhiepa tawhna chata na hrôbieh mah y.
2 âmo chata ama pathipalôh liata tah raruana zy pachâ tyh ei ta, adyuh awpa ta amâ pakhy tyh.
3 Ama palei cha parih hawhta patiasa ei ta, ama hmao chhôh liata vâzi châmaih y ta. Selah
4 Hy ABEIPA, hmoparaopa ku tawhtapa chata a phapa ta na vao la; chyhsa nôchhiepa tawhna chata na hrôbie mah y, ano chata ei phei chakâna zy he paviasa a chhuah ei ta.
5 Chyhsa apalaipazy chata ei aona châta khoheih a ru lâta chôh ei ta, khawhrizy chhaota lâpi kiah liana chata sao parai ei ta, ei aona châta khoheizy chôh ei ta. Selah
6 ABEIPA hnohna chata, Nâ cha ei Khazohpa châ chi ta; hy ABEIPA, ei Abeipa, ei pachhana tha patlôtuhpa, nâ chata adyuhna noh liana chata ei luh na khupa chi ta.
8 Hy ABEIPA, hmoparaopa khonazie zy cha pasaih kha la, ama pachâna moleipa cha pi patlohsa khah y! tahna ta.
9 Nâ cha dôpazy luh cha, âmo hmao liata ama bie moleipa reipa chata khu mawh sy!
10 Mei-iazy ama chô liata tla sala! Mei liata thypa ta y ei sala, ama thyu heih khao lei nawpa ta khaotlô thuh ngaitapa liata zy thypa ta y mawh sy!
11 Bie moleina a reituhpa cha alei liana heta pa-ipa ta y leipa aw ta; chyhsa nôchhiepa parao awpa ta hmopha leipa ta a chadi aw.
12 ABEIPA chata riethei a taopazy cha ama bie liata a chakhei aw tahpa ei pahno, dyhchhiepa zy ama dona kyh liata chhao cha.
13 A siapazy chata na moh reithai tlai aw ei ta; a dopazy cha na hmiakô liata ama pahrâ aw.