Hlazy 127
Abeipa tawhta vânohtona â vy
Khyna Hla. Sawlawmaw ei.
1 ABEIPA ta o a sa vei khiahtala, a satuhpazy chata ama hriapasa thlâh thli. ABEIPA ta khihpi a vaih vei khiahtala, a vaihtuhpa cha â hra thlâhthli thlâh haw.
2 My dikari ta thyu eichi ta, a hawh ngaitapa ta a pahâ eichi ta, hriapasana pati nama nie tyhpa he nama châta khâpa hrao leipa a châ; he hawhna heta a chyhsa kho ngaitapa cha a pamô ha tyh.
3 Sawnawhzy he ABEIPA tawhtapa eima ryuto châ ei ta, sathei he a lymâ maniah a piepa cha.
4 Locho no sawzy cha, chyhsa thatlôpa ku liata châtai a ypa hawhna he ama châ.
5 A lavah saw ta a biepa a hneipa chyhsa cha aly ngaitapa ta a y tyh! Kuh chhikao liata ama dyuhpazy amâ chhy hai no chhaota maohphyuh aw veih ei.
Hlazy (Psalm)