Hlazy 126
A taopathi heihna vâta alyna bie reina
Khyna Hla.
1 ABEIPA ta Zaio seichâna a pakua heih nona khata, mâ lâta satuhpa zy hawhna dei châ pi ta.
2 Cha nona chata eima pakah cha pahneina ta bie ta, eima paleih cha hla sapa ta; cha nona chata phopi zy hry liata, “ABEIPA ta ama châta hmo rôhnah ngaitapa zy taopa ei ta,” tah ei ta.
3 ABEIPA chata hmo rôhnah ngaitapa zy maniah taopa ta; eimâ ly ngaita kaw.
4 Hy ABEIPA, eima seichâna he maniah pakua heih mah y, Neke râh liata chavah zy hawhta!
5 Mothlih tlana chôta a tupazy chata thapha ngaitapa ta ama hria aw!
6 Chana chôta sâh chi puakhei hra sala, a sapiazy cheipa ta thapha ngaitapa ta a vaw di heih aw.
Hlazy (Psalm)