HLAZY BU I (PSALMS 1-41)
A pathaihpa nata moleipazy
1 Hmoparaopazy chhosiena a pyh beih leipa, moleipazy lâpi liata chhao a chhih beih leipa, mohnaotuhpa hry lia chhaota a pahlao beih leipa chyhsa cha a nohhlao na;
2 â lyna cha ABEIPA ryhpa liata tlao châ ta, a ryhpa bie cha a chhô a zâ ta a pachâ tyh
3 Ano cha vatie kiapâh ta tho lohpa, a daihtita ta a pathei tyhpa, a hna chhao a uah beih leipa hawhta a châ. A hmotaopa zydua liata thlao â chhi tyh
4 Hmoparaopazy deikua cha cha hawhta châ vei ei. Sâh sihpa ziza ta a phaohpa hawhta ama châ.
5 Chavâta hmoparaopazy cha pachiana hmiakô liata a duah leipa aw ei ta, moleipazy chhao mosiapazy a pakhyna liata a duah thei hra aw veih ei
6 ABEIPA chata a siapazy lâpi cha pahno tyh tlôh ta, hmoparaopazy lâpi deikua cha a leidia aw.