Pawla Kaisara kô tlâ â chhuah
1 Chatanachata Festa chata râh a vao ta, noh thôh tawhta Kaisaria tawhna chata Zerusale lâ khy ta.
2 Theihthaipa abeizy nata Zu nôpawpazy chata a hnohta Pawla kyh cha a chhiena lâta vaw pahnosa ei ta,
3 Zerusale lâta a vaw chhi awpa ta ngiachhiena a haw hra ei ta, lâpi liata a byhpa ta thie a chhuah ei ta.
4 Châhrasala Festa ta Pawla cha Kaisaria liata vaih thlâh hapa a châpa nata ano chhao bohpi leipa ta a kua awpa chho ta.
5 “Chavâta cha chyhsa chata moleina a hnei khiahtala, nama hryta bie a hneipa maihta na za zi ei sala, leih ei se,” tah ta, a chhy ta.
6 Ama hry liana chata noh charie tlyma, noh hrawh tlyma hlei cha châh leipa ta Kaisaria lâ zu ha ta; a mylâ chata ryureina dyuchhai liata a tyuh ta, Pawla cha amâ vaw chhi awpa ta bie pie ta.
7 Ano cha a vaw tlô nata Zerusale chyhsa Zu a zupazy cha a kiapâh liata a vaw duah ei ta, biepeipa hluhpi a ru ngaitapa thata reih ei ta, a thabypa deikua cha a laichadai thei tlôh ei va.
8 Pawla chata a thaina bie reih ta, “Zuzy ryhpa chô liata zy, Khazohpa achhyna-o kyh liata zy, Kaisara chô liata chhao hmo rai parao va na,” tah ta.
9 Châhrasala Festa chata Zuzy hryta moh phapa khoh ta, Pawla hnohta, “Zerusale lâ khy la, khih liata ei hmiakô ta he biezy he pachia awpa na khoh ma?” tah ta, a chhy ta.
10 Pawla deikua chata Kaisara ryureina dyuchhai hmiakô liata eina pachiana awpa liana heta ei duah hih; Zuzy chôta hmo khâpahmah ei parao leipa nâ chhaota a siapa ta pahno tlôh chi ta.
11 Moleipa cha ei châ nahta thina taih hmo a taopa ei châ khiahtala, thi awpa chhao ei va na; châhrasala he sahlao eina leih-na hmo he a thabypa khâpahma a y vei khiahtala, ahyhma ta ama hnohta na pie thei aw vei. Kaisara kô ei tlôkhei aw,” tah ta.
12 Festa chata a pachialâhpazy â chhohia khai nahta, Kaisara lâ sie tlai la vâ chi,” tahpa ta a chhy ta.
Akripa nata Bernika lâta Pawla chhihthana
13 Noh khazie tlyma tawhta Abei Akripa nata Bernika cha Kaisaria khih vaw tlô ei ta, Festa a naoh ei ta.
14 Noh hluhpi cha liana chata ama châhpa vâta Festa chata Pawla cha abei liana chata reih ta, “Felika khata atâhpa ahy tlyma siesai ta;
15 Zerusale liata ei y nona khata, theihthaipa abeizy nata Zu machâzy ta a thâtih na chho ei ta, thai leipachâsa awpa ta a haw ei ta.
16 Kei ta ama hnohta ama leihpa nata a leihtuhpazy hmiadaisâ ta ama leih-na kyh liata a thaina bie reih hrana rypaohpa a hmô hlâ lei cha chyhsa rai hrie awpa ta pathliepa he, Rawma chyhsa yzie châ vei, tahpa ta a chhy na ta.
17 Chatawhcha he liata ama vaw tlô nahta, bohpi leipa ta, a mylâ ta ryureina dyuchhai liata a tyuh na ta, cha chyhsa cha a vaw chhi awpa ta bie pie na ta.
18 Chatawhcha a leihtuhpazy amâ dua nota, ei pangiasapa hawhta a chô liata moleina biepeipa khâpahma reih tlôh lei khâh ei ta;
19 ama pho ryhpa yzie nata Zisu, chyhsa pakha a thi hawpa, Pawla chata a hroh haw heih, tahpa ta reih ta, cha hawhpa vâna chata a chô liata biepeipa ama vaw hneipa tlao châ ta.
20 Kei chata cha biezy cha pachâna rai pahno leipa na ta, Zerusale lâ khypa ta, cha liata cha biezy cha pachia awpa a khoh nata khoh lei hiahri na ta.
21 Châhrasala Pawla chata abeichaipa pachia awpa ta tlao a haw ta, chavâta Kaisara lâ ei pasiesa thei hlâ lei cha vaih awpa ta bie pie na ta,” tah ta.
22 Akripa cha Festa hnohta, “Kei chhao cha chyhsa bie reipazy cha nahthlie ei khoh kaw,” tah ta. Ano chata, “Mylâ a bie reipa nahthlie la vâ chi,” tah ta.
23 Chatanachata a mylâ ta Akripa nata Bernika cha rônah ngaitapa ta a vy ei ta, bie reina o liata a ngia ei ta, pheisaih hyutuhpa laipazy chhaota, khih liata chyhsa pha viapazy chhao. Festa bie ta Pawla a vaw chhi ei ta.
24 Festa chata, “Abei Akripa nata he liata eima hryta a ypa zydua saih u, he chyhsa nama hmôpa he ano kyh liana heta Zu zydua ta ama zydua ta hroh khao lei awpa ta, Zerusale liata nata he liata einâ hawna kha.
25 Châhrasala thina tlâh taihta khâpahma a tao leipa pahno na ta; chatawhcha ano ta beichaipa kô tlô â hawpa vâta tuah awpa ei chhuah.
26 Châhrasala a bie chybia khâpahma ei beipa lâta ro awpa ta pahno va na. Chavâta nama hmiakô ta ei vaw chhi hih, Abei Akripa y, na hmiakô liata ei vaw chhi via pachai, padai khai nata khâpa tlyma chhâ ro awpa ei hmô thei nawpa ta.
27 Atâhpa abeichaipa lâ tuapa ta, a chô ta ama leih-na bie pahnosa pa leipa cha, hrupa hmo a châpa ta pahno tlôh na ta,” tah ta.