Khazohpa siana reithaina
Reithaina siana Hla.
1 ABEIPA lâna cha hla thiehpa sa teh u, hmonoâhpa zy tao haw tlôh ta! A ku chachâh lâ nata a bâh pathaihpa chata ano châta pachhana taopa haw tlôh ta.
2 ABEIPA chata a pachhana cha pahnosa ta, a siana cha pho to mohmô liana chata a sia ngaitapa ta palâsa haw ta.
3 Izarel chhôhkhapa zy chô liata a zawngiahna zie nata a ngâchhihna zie cha thei thlâh ha ta. Kaokih liata chyhsa zydua chhaota eima Khazohpa pachhana cha hmô haw ei ta.
4 Leilô zydua saih u, ABEIPA lâta thapha ngaitapa ta awh ula; thaphana hla sa ula, reithaina sa teh u!
5 Totâ ta ABEIPA lâta sa ula, totâ nata reithaina hla pyu chhaota!
6 Chiahmie zy nata ki tôpa pyu chhaota. Beichaipa, ABEIPA hmiakô liana chata thapha ngaitapa ta awh teh u.
7 Tilaipi nata a chhôh liata hmo a ypa zydua he paro ngâ mawh sy; khizaw nata a chhôh liata a pahrâpa zy chhao heta!
8 Tisaih zy chata ama ku zy chabaih ei sala; tlâhzy cha thaphapa ta sa mawh sy.
9 ABEIPA hmiakô liana chata leilô pachia awpa ta a vy tlôh aw ta. Khizaw he a sia ngaitapa ta pachiapa aw ta, thlei hlei hnei leipa ta mo to a pachia aw.