Rôhnahna Beipa
Davi Reithaina Hla.
1 Alei nata a chhôh liata a ypa zydua ABEIPA eih a châ, khizaw nata a chhôh liata a pahrâpa zydua chhao he;
2 Tilaipizy chô liata ano ta paysa tlôh ta, chavahzy chô liata chhao pa-isa hra ta.
3 ABEIPA tlâh liata ahyma a kiah aw? A su pathaihpa liata ahy a duah aw?
4 Ku pathaihpa nata palôhrupa pathaihpa hneipa ta, a palôhrupa hmo do leipa rai pachâ leipa ta, haipa ta chhie a sa beih leipa cha.
5 Ano cha ABEIPA tawhta byhnâ a hmô aw, a pachhana Khazohpa tawhta siana a hmô hra aw.
6 Cha cha ano a tluatuhpa chhâh a châ, hy Zakaw Khazohpa, na hmia atluatuhpazy cha. Selah
7 Hy nâmo kuh chhikao saih u, nama luh chôzy pasâh ula! Nâmo ochhi hlôpazy saih u, a pasâh teh u! Chatanachata rôhnahna Beipa he a vaw ngia aw na.
8 Rôhnahna Beipa cha ahy e? ABEIPA, thatlôpa nata hmotaotheipa, ABEIPA, adyuhna liata hmotaotheipa cha a châ!
9 Hy nâmo kuh chhikao saih u, nama luh chôzy pasâh ula! Nâmo ochhi hlôpa zy saih u, a pasâh teh u! Chatanachata rôhnahna Beipa he a vaw ngia aw na.
10 Cha rôhnahna Beipa cha ahy e? Pheisaihzy ABEIPA. Ano tlai he rôhnahna Beipa cha a châ.