Abohna nata chhihthana châta thlahchhâna
Davi Reithaina Hla.
1 Hy ABEIPA ei thlahchhâna he thei la; ngiachhie ei cha hiana liata nah vaw pachôh la! Na ngiachhiena vâta nata na siana vâta nâ chhy mah y!
2 Châ chakaopa chô liana heta pachia kha y; na mohmô liana chata chyhsapa a hrohpa rai ta thai a châpa y tlôh lei khâh aw ei ta.
3 Khakhaipa chata ei hrona taola tlôh ta; ei hro he alei liata papao ta; vâro ta a thi hawpazy hawhta su zoh ngaitapazy liata na pahrâsa ta.
4 Chavâta ei thlahpa he ei chô liata panao ta; ei pathipalôh he ei chhôh liata a nôpo haw ta.
5 Hlâno nohzy cha a thei thlâh ha tyh na ta, na hmotaopa zyduazy cha pachâ tyh na ta; na ku raihriazy cha ei laichadai tyh.
6 Ei kuzy he nâ lâta pazawh tyh na ta; ei thlahpa heta lyurâh chawh ngaitapa hawhta nâma liata a dâh a phi tyh. Selah
7 Hy ABEIPA, na thei parah la! Ei thlahpa a panao haw hih! Kei tawhna heta na hmia nyu kha y, chata leipa ta cha khaotlôh liata azupa zy hawhta ei y pathlei aw na.
8 My nah chata na kyhpachâ ngiachhiena na patheisa mah y, nâ cha ngâ tyh tlôh na ta. Ei siena awpa lâpi cha na pahnosa mah y, ei palôhrupa he nâ liata khâchâ soh tlôh na ta.
9 Hy ABEIPA, ei khakhaipazy tawhna chata na pachha mah y! Eina nyu awpa chi ta nâ lâta ei vaw râ!
10 “Na khopa lâ tao awpa ta na pachu mah y, ei Khazohpa châ tlôh chi ta! Na thlahpa phapa chata lâpi a do ngaitapa liana chata nâ chhi mah y!
11 Hy ABEIPA, na moh vâta na pahra la! Na siana vâta ei hrona he nôpona tawhtapa papua mah y!
12 Na kyhpachâ ngiachhiena vâta ei khakhaipazy cha pahleipadia la, ei hrona nô papotuhpa zydua cha pahleipadia mah y, châ chakaopa châ tlôh na ta.