Nôpona kyh liata bao awpa ta thlahchhâna
Davi Maskil, Lôpu liata a y notahpa. Thlahchhâna.
1 Ei ao ta ABEIPA cha pado na ta, ei ao ta ABEIPA lâta ngiachhiena ei hiah tyh,
2 a hmiakô liata ei nôpona bie reih na ta, na hmiakô liata patypamâpa ta ei ypa ei pahnosa tyh.
3 Ei thlahpa ei chô liata a panao nona khata, nâma tlaita ei lâpi cha pahno chi ta! Ei siena lâpi liana heta ei aona châta khohei a ru lâta ama chôh.
4 Ei chachâh lâ he a heih la, moh tua, ahy hmah na pahnopa rai y khao veih ei; ei pabohna y khao leipa ta, ahyrai hmahta ei hrona he pachâ khao veih ei.
5 Hy ABEIPA, cha aw na ta; nâ cha ei pabohna, a hropa râh liata ei tovyuh na châ, tah na ta.
6 Ei awna he nahthlie mah y; thata panawhpa ta y tlôh na ta! Na taolatuhpa zy tawhna heta na pachha mah y; kei hlâta ama tha tlô via tlôh ei ta!
7 Na moh ei reithai nawpa ta ei hrona he atâhna-o tawhta papua mah y! A siapazy chata eina chadô aw ei; nâ ta a pha ngaitapa ta eina tao awpa vâ chi ta.