Zaio khakhaipazy pahnie nawpa ta thlahchhâna
Khyna Hla.
1 “Ei thyutlia ta tawhta chyhsazy ta ei hluhpi ei nô na papo ei ta, “Izarel sahlao ta tah mawh sy.
2 “Ei thyutlia ta tawhta chyhsa zy ta ei hluhpi ei nô na papo ei ta, châhrasala na pahnie tlôh ei va.
3 Alei palietuhpa zy chata ei kyh liata aleipalie ei ta; ama châna tlâhzy cha ama paseihsa,” tahpa ta.
4 ABEIPA cha a sia na; hmoparaopazy khawhrizy cha a pâhchhô hawh ta.
5 Âmo cha maohphyuhpa nata parâpaisapa ta y mawh sy, Zaio a haotuhpa zydua cha!
6 A sei hlâta a ua thlâh ha tyhpa, o vâphuh chô liata sibiepa hawhta y mawh sy,
7 cha sibiepa chata sâh a atupa ta a ku pabie beih leipa ta, sapia a chahrytuhpa ta a kalachhôh pabie beih hra vei,
8 “ABEIPA byhnâ nama chô liata y mawh sy! ABEIPA moh ta byhnâ eima cha aw pa!” a siepakhôtuhpa zy ta tah beih hra veih ei.