Hlazy 128
Abeipa a chipazy nohhlaona
Khyna Hla.
1 ABEIPA a chipa maih cha ama nohhlao na, a lâpi a chhihtuhpa zy cha!
2 Na ku hriapasana thei cha nie tlôh aw chi ta; aly ngaitapa ta y aw chi ta, palôhtlâhpa ta na y hra aw.
3 Na lahpinô cha na o chhôh liana chata krezôh a pathei khoh ngaitapa hawhta y aw ta; na sawzy cha na tlâhkhai chheipâh liana chata ôli dawzy hawhta ama y aw.
4 ABEIPA a chipa chyhsa cha, cha hawhna chata byhnâ topa ta ama y aw.
5 ABEIPA chata Zaio tawhtapa byhnâ a cha aw pa aw! Chatanachata na hro chhôh zydua ta, Zerusale phana na hmô aw!
6 Na sawzy cha na hmô aw! Izarel sahlao chô liana chata thlahlôhna y mawh sy!
Hlazy (Psalm)