Khakhaipazy tawhta abohna nata reithaina
Khyna Hla. Davi ei.
1 Eima chhâh a châpa cha ABEIPA a châ leipa khiahtala, Izarel sahlao ta tah mawh sy,
2 chyhsa ta maniah ama siehnao nona khata, eima chhâh a châpa cha ABEIPA a châ leipa khiahtala,
3 kha nona tlai khata âmo chata a hrohpa ta maniah ama palâ ha aw, eima chô liata ama pathi a ia nona khata;
4 kha nona tlai khata tizy chata maniah vao ha aw ta, chavah chata eima hrohna he a vao ha aw;
5 kha nona tlai khata ti apalaipazy chata ei hrona a vao ha aw.
6 Sa taipa hawhta tai awpa ta ama hâh liata maniah a pie leituhpa ABEIPA cha reithaipa ta y mawh sy!
7 Khoheih a chôhtuhpa tawhta pavaw apuapa hawhta eima hrona he pua haw ta; khoheih cha rao haw ta, keimo he phie eima pua haw!
8 Keimo baona awpa cha ABEIPA avâ nata alei a taotuhpa moh liata a y, tahpa ta.