Zerusale liata dyhna a y nawpa ta thlahchhâna
Khyna Hla. Davi ei.
1 “ABEIPA o lâ vawh ei suh u!” ei hnohta ama tah nona khata, aly na ta.
2 Hy Zerusale, na ochhizy chhôh liata eima pheizy cha a duah haw hih!
3 Zerusale, sapa ta a ypa, khihpi a ipa hawhta sapa cha,’
4 ABEIPA moh reithai awpa ta cha liana chata phozy cha amâ khy tyh, ABEIPA phozy cha Izarel sahlao hnohta bie pahnosana châ ta.
5 Cha liana chata pachiana chata abeidyuchhai zy patyupa châ tlôh ta, Davi chhôhkhapa zy abeidyuchhai zy cha.
6 Jerusale thlahlôhna awpa ta thlahchhâ teh u!” Nâ cha pasôtuhpazy cha vânohtopa ta ama y aw!
7 Na kuhzy chhôh liana chata thlahlôhna y sala, na o rôhnahpa zy liana chata bohna y mawh sy!
8 Ei unawhpa zy nata ei viasa zy vâta, “Na chhôh liata thlahlôhna y mawh sy!” ei tah aw.
9 ABEIPA eima Khazohpa o vâna chata na phana awpa ei tlua aw.