Izi râh tawhta puasaina noâhchhih zie
1 Izarel sahlao cha Izi râh tawhtapa pua ei ta, Zakaw chhôhkhapa zy tlai cha reikhiapa chyhsa hry tawhtapa ama pua nona khata,
2 Zudah sahlao cha a su pathaihpa vaw châ haw ei ta, Izarel sahlao cha a ryureina khihnarâh vaw châ haw hra ei ta.
3 Tilaipi chata cha cha hmô ta, a râ syulyu ta, Zawdâh cha hnôh lâ pakuapa ta y hawta.
4 Tlâhpizy cha mietahkupa tôhpa zy hawhta chakizo ei ta, tlâhzy cha mietahkupa tawzy hawhta.
5 Hy nâ tilaipi, khâpa tahta e, nâ râ syulyu haw? Nâ Zawda, khâpa tahta e hnôh lâ na kua haw?
6 Nâmo tlâhpi saih u, khâpa tahta e mietahkupa tôhpazy hawhta chakizopa ta nama y tly? Nâmo tlâh chyhpa saih u, khâpa tahta e mietahkupa taw hawhta chakizopa ta nama y tly?
7 Nâ leilô ABEIPA hmiakô liata a chalyu teh, Zakaw sahlao Khazohpa hmiakô liana chata,
8 ano chata lôpanô cha tipo lâta pachâsa ta, chilô cha tihnawh lâta pachâsa hra ta.