A reisipa palyupalihna
1 ABEIPA cha reithai teh u! Hy a ABEIPA a chakaopa saih u, reithai ula,
ABEIPA moh cha reithai teh u!
2 ABEIPA moh cha reithaipa ta y mawh sy, atahmâ tawhta chhâzaw ta!
3 Noh chhina tawhta a tlana taihta ABEIPA moh cha reithai awpa a châ!
4 ABEIPA cha phopizy chô liana chata chônô syulyupa châ ta, a rôhnahna chata avâzy khi a khô syulyu!
5 ABEIPA eima Khazohpa hawhta chô lâta dyuchhai hnei ta,
6 avâ liata hmo a ypazy nata alei liata hmo a ypa zy, mo awpa ta a pahnai tyhpa he ahy e a y?
7 Ano chata sipasapa cha dohlei tawhtapa pathyu tyh ta, dyhchhiepa cha ie pahmaona tawhtapa a chalo tyh,
8 abeisawzy hnohta a paysa thei awpa ta, a chyhsa zy hry liata abeisaw zy hnohna tlai chata.
9 Ano chata saw leipa chanô cha o lyu pavaosa ta. sawnawh a hneipa nô thapha ngaitapa ta a tao tyh. ABEIPA cha reithai teh u!