Abeipa ta beipa hnohta râh a piena
Davi Reithaina Hla.
1 ABEIPA chata ei beipa hnohta: “Na khakhaipazy ei phei tlyna ta ei tao hlâ lei la, ei chachâh lâta a tyuh teh,” tah ta.
2 ABEIPA chata na thatlôna chôhchahrei cha Zaio tawhta a vaw tuah aw. Nâ ta cha khakhaipazy hry liata ryu reih teh!
3 Na chyhsa zy cha na hmotaotheina noh liana chata ama khona kyh ta ama pie tyh. Pathaihna a ngiana liata mydi pychhôh tawhta na thyutlia diati cha hnei chi ta.
4 ABEIPA ta chhie sa ta, pathlei khao aw vei. “Nâ la Melkizedeka yzie hawhta chhâzaw ta theihthaipa na châ na,” tahpa ta.
5 ABEIPA, na chachâh lâta a ypa chata; a hiehâhna noh liana chata abeizy a chhawh pathla hôlô aw.
6 Phopizy hry liata pachia aw ta, su zy cha ri ta pabie aw ta; râh hluhpi liana chata luh cha a patlaw hôlô aw.
7 Lâpi liata vatie liata doh aw ta; chavâta a luh cha a pasâh aw.