Izarel chôta Khazohpa ngâchhihna
1 ABEIPA cha ryurei haw ta; chyhsa to cha a chalyu mawh sy! Ano cha cherubi zy chô liata a tyuh ta; alei he a chatho mawh sy!
2 ABEIPA cha Zaio chô lia chata rôhnah ngaitapa châ ta; chyhsa to raizy chô liana chata chônô syulyupa a châ.
3 Âmozy chata na moh rôhnah ngaitapa nata chichhih ngaitapa cha reithai ei se! Ano cha a pathaih na!
4 Abeichaipa thatlôna chata pachiana pasô ta, nâ chata thlei hlei hnei leipa pa-i tyh chi ta; nâ chata Zakaw sahlao hry liata pachia chi ta. a sia ngaitapa ta na tao tyh.
5 ABEIPA eima Khazohpa cha pachônôsa ula; a phei tlyna thaby liana chata achhy teh u! Ano cha a pathaih na!
6 A theihthaipa hry liana chata Mawsi nata Arawna, ano moh a padopa zy hry liana chata Samuel. Âmo chata ABEIPA cha pado ei ta, ano chata â chhy haw.
7 Meitô liana chata ama hnohta bie reih ta; a bie pahnosapa zy nata bieraopa a piepa cha zyh ei ta.
8 Hy ABEIPA eima Khazohpa, nâ chata âmo cha a chhy chi ta; nâ cha âmo a ngiahthaituhpa Khazohpa na châ. ama hmoraopa chô liata zy phuh la tyh hra la.
9 ABEIPA eima Khazohpa cha pachônôsa ula, tlâh pathaihpa liana chata a chhy teh u; ABEIPA eima Khazohpa cha pathaih tlôh ta!