Abeipa chatlaina liata hnabeiseihna
Khyna Hla.
1 Hy ABEIPA, ti athuh ngaitapa tawhna heta ei cha pado!
2 ABEIPA, ei ao he thei mah y! Ngiachhie ei châ hawna ao he, na nah pachôh mah y!
3 ABEIPA, nâ ta hmoparaonazy na ngia khiahta cha, hy ABEIPA, ahy e a duah aw tly?
4 Châhrasala nâma liata ngiahthaina a y, Chipa ta na y thei nawpa ta.
5 ABEIPA cha hâ thlâh hapa ta, ei hrona heta hâ thlâh ha ta, a bie liana chhao ei hnabei a seih;
6 vaihtuhpa zy ta khihdei ama saipa hlâta tha via ta, vaihtuhpazy ta khihdei ama saipa hlâta tha viapa ta ei hrona heta ABEIPA cha a sai thlâh ha tyh.
7 Hy Izarel sahlao saih u, ABEIPA liata hnabeiseih teh u! ABEIPA liana chata zawngiahna y tlôh ta, ano liana chata chatlaina hluhpi y hra ta.
8 Ano chata Izarel sahlao cha ama hmoparaona zydua tawhtapa a pachha aw.