Hlazy 121
Abeipa cha châ vaihtuhpa a châ
Khyna Hla.
1 Tlâhzy lâna khita ei mo ei khaih aw, Khataih tawhtapa e, na bao awpa ta a vaw tlô aw?
2 Eina baona cha ABEIPA avâ nata alei a taotuhpa tawhtapa a vaw tlô aw.
3 Ano chata na phei cha pasie pasaih aw vei, cha vaihtuhpa cha a moku aw vei.
4 Izarel sahlao a vaihtuhpa chata moku leipa ta, a mô hra aw vei.
5 ABEIPA cha châ vaihtuhpa châ ta; ABEIPA cha na ku chachâh lâta cha pahlituhpa a châ.
6 Nohchhô ta noh ta cha vaw leipa aw ta, zâ ta thlâpâ ta cha vawh hra aw vei.
7 ABEIPA chata hmo moleina to tawhta cha vaih aw ta; na hrona cha a vaih aw.
8 ABEIPA chata na puapa nata nâ ngiapa cha a cha vaih aw, Atahmâ tawhta chhâzaw ta.
Hlazy (Psalm)