Abeipa a chipa nohhlaona
1 ABEIPA cha reithai teh u. ABEIPA a chipa chyhsa cha a nohhlao na, a biepiepazy liata thata a lypa cha!
2 A pathlazy cha alei liana heta thatlô ngaitapa ta y aw ei ta; a dopa chhâzy cha byhnâ aw pata ama y aw.
3 A o liana chata sôh nata hneirôna y ta; a siana cha chhâzaw ta a y awpa a châ.
4 A dopa châna chata zohna liana chata khaihna vaw pua tyh ta; ABEIPA cha chyhsa ngiachhie thei ngaitapa, thapasana ta a biepa, sia ngaitapa a châ.
5 Chyhsa ngiachhie ta dyu a pacheisa tyhpa cha phana ta vaohei tyh ta, ano cha a sia ngaitapa ta khih a sa aw.
6 Khatita hmahta a pasie leipa aw ta; a siapa cha chhâzaw ta a thei thlâh hapa ta.
7 Thâtihpha lei ngaitapazy chi aw vei; ABEIPA ngâpa ta a pathipalôh cha â i.
8 A pathipalôh cha a i ta, chi aw vei, ano adyuhtuhpazy chô liata khonazie a tlôpa cha a hmô hlâ lei la.
9 Asaipa ta rai ta, dyhchhiepa zy pie ta; a siana cha chhâzaw ta a y awpa a châ; a ki cha palyupalihna ta palyupalihpa ta a y aw.
10 Hmoparaopa chata cha cha hmô aw ei ta, a hiehâh aw ta; a hâh charieh aw ta, a zao aw; a hmoparaopazy khonazie cha a leidia aw.