A chyhsa zy Abeipa ta a hrôhbiena
1 ABEIPA cha reithai teh u, A dopazy pôhpakhyna liata nata a pahmaohpakhyna liana chata ei pathipalôh zydua zy, ABEIPA lâta alyna bie ei hlâ aw.
2 ABEIPA hmotaopazy cha rôhnah ta, a chô liata â lypa maihta tlua papuapa a châ tyh.
3 A raihria cha za a chhihpa ta rôhnahpa châ ta, a siana cha chhâzaw ta a y awpa a châ.
4 Ano chata a hmonoâh taopa zy cha patheisa thlâh ha ta; ABEIPA cha ngiachhie thei ngaitapa ta thapasana ta a biepa a châ.
5 Ano a chipazy cha niepa pie ta; a biehrai cha chhâzaw ta a thei thlâh ha aw.
6 A hmotaopazy hmotaothei zie cha a chyhsa zy hnohta palâsa ta, phopizy ryuto cha âmo piepa ta.
7 A ku hmotaopazy cha hmeihseih nata pachiana siapa châ ta; a chhoreina bie zydua cha ngâ â chhih.
8 chazy cha chhâzaw nata chhâzaw châta pa-ipa ta y ta. a hmeihseihpa nata a do ngaitapa ta taopa châ chyu ta.
9 Ano chata a chyhsazy lâta chatlaina vaw tuah ta; a biehrai cha chhâzaw châta rao ta. A moh cha Pathaih nata za a chhihpa a châ!
10 ABEIPA china cha sona thabypa châ ta; cha hawhta a taopa maih chata pahnothaina phapa hnei ei ta.