Siapa ta hro awpa bietaina
Davi Reithaina Hla.
1 Zawngiahna nata pachiana kyh cha hla ta sa aw na ta; hy ABEIPA nâma reithaipa ta ei sa aw.
2 Siana phapakipa liana chata so ngaitapa ta y aw na ta. Khatita ma kei lâta nâ vy aw tly? Ei ochhôh liata pathipalôh pha pakipa phaohpa ta ei y aw;
3 hmopha leipa rai ei mohmô liana chata soh leipa aw na ta. A tleipa zy hmotaopa cha ei hao na; keima liata a bai aw vei.
4 Pathipalôh chhorupa chata na siesai aw ta; hmo moleipa rai pahno aw va na.
5 Ahyrai aru lâta a vaihzy a leihtuhpa cha. cha chyhsa cha pahleipadia aw na ta. Mo a sâhpa pathipalôh a palaipa a phaohpa chyhsa cha chhy thei aw va na.
6 He râh liata chyhsa ngâchhipa zy chô liana heta ei moh a y aw, kei hnohta ama pahrâ thei nawpa ta; siena pha pakipa a chhihtuhpa cha. cha chyhsa chata eina chakao aw.
7 Dôhmâhpa chyhsa cha ei ochhôh liata pahrâ leipa aw ta; haihthaipa chyhsa cha ei mohmô liata pa-ipa ta y aw vei.
8 My chareih he râh liata hmoparaopa zydua he ei pahleipadia aw. ABEIPA khihpi tawhtapa he hmo moleina a taotuhpa zydua pahleipadia awpa ta.