Hlazy 100
Alyna bie reih awpa ta chhoreina
Alyna bie reina Reithaina Hla.
1 Râh zydua saih u, ABEIPA lâna cha thaphana pyu parosa teh u!
2 Aly ngaitana chôta ABEIPA chakao ula! Hla sana chôta a hmiakô liata a vy teh u!
3 ABEIPA cha Khazohpa a châ tahpa pahno teh u! Maniah taotuhpa cha ano cha châ ta, ano eih eima châ; a chyhsa zy nata a sibiepa su liata mietahkupa sahlaozy cha eima châ.
4 Alyna bie reina chôta ochhi liana chata a ngia ula. reithaina chôta a dôhpachhôh tlyhmia liana chata a ngia teh u! Ano liata alyna bie reih ula, a moh cha reithai teh u.
5 ABEIPA cha pha tlôh ta; a zawngiahna cha chhâzaw ta y aw ta, a ngâchhihna zie cha chhâ zydua taihta a y aw.
Hlazy (Psalm)